ЯҢАЛЫКЛАР
Әлеге студиягә йөрүче егетләр үз чыгышлары белән район күләмендә узган төрле концертларда тамашачы мәхәббәтен яуларга өлгерделәр инде. Күптән түгел, әлеге студия биючеләре районнан тыш чарада – Россиянең иң яхшы бию студияләренең берсе “Grand Glide”оештырган “Майский жук” фестивалендә чыгыш ясадылар.
Ел саен мәгариф тармагы вәкилләре август аенда бергә җыелып, узган уку елына нәтиҗәләр ясый, алга таба үсеш перспективаларын билгели. 25 август көнне район мәдәният сараенда уздырылган укытучыларның быелгы форумы зур оешканлык белән узды.
1 сентябрь – Белем көне, иң матур бәйрәмнәрнең берсе. Ә унбер ел элек шушы көнне Бесланда террорчылар коточкыч фаҗига оештырдылар.
Россия Гадәттән тыш хәлләр министрлыгының муниципаль район буенча күзәтү эшчәнлегенең районара бүлеге инспекторлары 2015-2016 уку елына гомуми белем бирү учреждениеләренең комиссия эшендә катнаштылар.
Комбайннар басуга төшкәнне генә көткәндәй, коеп яуган яңгыр эшне туктатты да куйды. Комбайнчылар, сөйләшеп куйгандай, бер юлы кабинадан чыгып, төрлесе- төрле эшкә чумды. Хәзер исә басуларның кипкәнен һәм сабан бодаеның җитлеккәнен көтәргә кирәк.
Моннан 95 ел элек Татарстан Республикасы барлыкка килә. 1920 елның 27 маенда, РСФСР халык комиссарлары шурасы һәм Бөтенроссия Үзәк башкарма комитетының уртак карары нигезендә, Автономияле Татарстан Совет Социалистик Республикасы төзелә. Бу – хәзерге республикабызның башлангыч ноктасы. Шулай ук республикабыз быел тагын бер истәлекле дата –яңа дәүләтчелегенә 25 ел тулуны да билгеләп уза. Моннан чирек гасыр элек, 30 август көнне, ТАССР Югары Советы тарафыннан Татарстан Республикасы суверенитетлыгы турында Декларация кабул ителә. Шушы вакыт эчендә республикабыз бар яктан да югарылыкка иреште, ләкин әле ул һаман да яшь, кайнар һәм киләчәккә бик күп планнар кора. Минзәләлеләр әлеге юбилей даталарына бәйле рәвештә республикабыз хакында нинди фикердә соң? Чираттагы сораштыруыбыз шул хакта.
Хөрмәтле минзәләлеләр!
Бүгенге көнгә кадәр Тауасты Байлар төп гомуми белем бирү мәктәбендә, канәгатьләнмәслек билге алып, аттестатсыз калган бер генә укучының да булмавы сөендерә. Ә бит зур уңышларның артында үз фәнен тирәнтен белгән, укучыларының язмышы өчен йокысыз төннәр үткәргән укытучының тырышлыгы, хезмәте, сабырлыгы яшеренгән.
1 июльдән башлап салым түләүче физик затлар, үз документларына электрон имзаларын куеп, аларны “шәхси кабинет” аша салым органнарына җибәрә алалар. Шул рәвешле җибәрелгән документлар кәгазь документлар дәрәҗәсендә кабул ителәләр.