Мөшегеләр алга атлый

Комбайннар басуга төшкәнне генә көткәндәй, коеп яуган яңгыр эшне туктатты да куйды. Комбайнчылар, сөйләшеп куйгандай, бер юлы кабинадан чыгып, төрлесе- төрле эшкә чумды. Хәзер исә басуларның кипкәнен һәм сабан бодаеның җитлеккәнен көтәргә кирәк.

“Әнәк” агрофирмасына караган Мөшеге бүлек- чәсе басуларында һәм районыбыз хуҗалыклары басуларында шундый үзенчәлекле күренеш быел еш күзәтелә. Әз генә төшкән тамчысы да урып-җыю эшләрен тот­карлый. Гомумән алганда, арыш – 98, арпа 174 гек­тарда суктырып алынган. Һәр гектар арыш – 23, арпа 25 центнер төшем биргән. Монда арышның «Тантана», арпаның «Ба­грец» сорты игелә. Икесе дә 1 нче репродукцияле. Шул ук вакытта игеннәре суктырып алынган басу­ларда эшкәртелә. Мөшеге бүлекчәсе управляющие Камил Шәймарданов бел- дерүенчә, игенчеләр һәр көндә генә түгел, ә һәр сәгатьне максималь фай­даланып калырга тыры­ша.

Бүлекчәдә 20 кеше эшли. Игенчеләр өчен төрле дәртләндерү чара­ларын куллануны йолага әйләндергән җитәкчелек. Мәсәлән, комбайнчы­ лар һәм шоферлар урак­ка җәлеп ителгән чакта печәнне төрелгән килеш ихаталарына китереп ау­даралар. Комбайнчылар көнлек нормасын үтәсә, аларга ким дигәндә 2400 сум акча исәпләнә.

Амбар алдында киләсе елга чәчү өчен орлык ка­либрлана, тиешле кон- дициягә китерелә. Орлык чистартуда машинист Фәрит Нургалиев, Ва­лерий Федоров, орлык төяүче Гөлназ Насретди­нова ал-ял белми хезмәт куялар. Шофер Вахит Насыйров чистартылган орлыкны складларга та­шып тора. Орлык калиб рлауда эшләүче маши­нистка бер тонна арпаны чистарткан өчен 19 сум 58 тиен, ә эшчегә 6 сум 40 тиен түләнә. Аларга сезон йөкләмәсен үтәсә, 3 цент­нер ашлык бушлай бирелә икән. Гомумән алганда, хезмәтчәннәрнең уртача айлык хезмәт хакы 20 мең сумнан ким түгел.

Камил сүзләренә ка­раганда, ягулык-майлау материаллары алдан ук хәзерләнгән, бу турыда аңлашылмаучанлык лар юк, хезмәтчәннәрне кырда ашату исә көненә ике тап­кыр оештырылган, техни­каны көйләү һәм ремонт­лау да басуда башкарыла.

Урып-җыюда бүлекчәнең Акрос-530 комбайнчыла­ры: Вазыйх Хәмәтвәлиев, Ирек Фазлыев, Дон-1500 дә хезмәт куючы Мөнир Гыйльмуллин, икмәк та­шучы шофер Әнәс Хари­сов югары күрсәткечләргә ирешәләр. Вазыйх – 5750, Ирек – 4476, Мөнир 2667 центнер ашлык суктырып алган.

акцент

Мөшегеләр киләсе елга чәчү өчен – 2260 центнер борчак, 3200 центнер арпа орлыгын хәзерләп куйганнар. Мөшегеләр борчак орлы­гын артык салганнар, 600 центнерын сатарга да планлаштыралар. Агрофирманың Татарстан бүлекчәсендә арыш, арпа, солы басулары урта­ча гектардан 35,6-41,6 центнер уңыш биргәннәр. Алар басуларга тавык тизәге керткәннәр, быел Мөшеге басуларына да киләсе ел уңышы өчен җирне эшкәрткәнче, зур арба белән тавык тизәге кертергә планлаштыралар

Дилфас ГАЛИЕВ