Мәктәпләр әзер
Россия Гадәттән тыш хәлләр министрлыгының муниципаль район буенча күзәтү эшчәнлегенең районара бүлеге инспекторлары 2015-2016 уку елына гомуми белем бирү учреждениеләренең комиссия эшендә катнаштылар.
Быел 32 белем бирү учреждениесе тикшерелде.
– Тикшерү вакытында эвакуация вакытында чыгу юлларының янгын куркынычсызлыгы таләпләренә туры килүенә аерым игътибар бирделәр. Шулай ук янгын сүндерү җайланмаларының, янгынга каршы сак- лану автомат системаларының, электр челтәрләрен һәм электр җиһазларының төзеклегенә, яна торган конструкцияләрнең уттан саклау өчен эшкәртү, янгынга каршы су белән тәэмин итү чыганакларына игътибар ителде, – диде Россия Гадәттән тыш хәлләр министрлыгының муниципаль район буенча күзәтү эшчәнлегенең районара бүлеге инспекторы Алмаз Әфләтүнов.
Күзәтчелек итү функцияләреннән тыш, инспекторлар белем бирү учреждениеләре җитәкчеләре һәм укытучылар белән янгынга каршы өстәмә инструктаж уздырдылар.
Бүгенге көнгә янгын күзәтчелеге тарафыннан дәгъва юк, барлык гомумбелем бирү учреждениеләре яңа уку елына әзер.