ЯҢАЛЫКЛАР
РФ Законы гражданнарның хокукларын, шул исәптән җиргә булган хокукларын яклауны гарантияли. Җирдән файдалану һәм аны саклау буенча дәүләт инспекторлары – ТР буенча Росреестр Идарәсе хезмәткәрләре шушы хокуклар сагында тора да инде. ТР буенча Росреестр Идарәсенең Минзәлә бүлеге начальнигы – ТР буенча Минзәлә районы җирдән файдалану һәм саклау буенча баш дәүләт инспекторы Елена КӘЛИМУЛЛИНА белән әңгәмәбез шул хакта.
Самара өлкәсе Исаклы авылы “Экономик лицей” бюджет дәүләт уку учреждениесе базасында мәктәп предприятиеләре, проектлары һәм укучыларның эшләнмәләре “Бизнеска адым” Бөтенроссия конкурсы булды.
Бүгенге көндә Татарстанда торак-коммуналь хуҗалыгы өлкәсендә иҗтимагый контроль Региональ Үзәгенең коммерцияле булмаган партнерлыгы тарафыннан торак- коммуналь проблемаларны хәл итүдә гражданнарга ярдәм итү мәсьәләләре буенча масштаблы эш алып барыла. Эшчәнлекнең төп юнәлеше – кайнар линия оештыру, гомуми мәсьәләләр, шулай ук юридик темалар буенча халыкка консультацияләр хезмәте күрсәтү.
Район үзәк хастаханәсенең поликлиника эше буенча баш табиб урынбасары Муса Хәбибуллин “ТАТМЕДИА” АҖ филиалы коллективы белән очрашып, йөрәк-кан тамырлары авыруларын профилактикалау буенча киңәшләрен бирде.
Казан дәүләт мәдәният һәм сәнгать университетының концертлар залында “Татарстан өлкән кешесенең социаль портреты” V республика конкурсында җиңүчеләрне бүләкләү тантанасы узды.
Минзәләдә янгын сүндерүчеләр янгыннан саклану өчен автоматлаштырылган сигнализациягә тоташырга киңәш итәләр.
Традициягә тугры калып, районыбызда яшәүче өлкән буын вәкилләре – сугыш, тыл һәм хезмәт ветераннарын юбилейлары белән котлауны быел да дәвам итәбез. Бөек Җиңүнең 70 еллыгы билгеләп үтелгән бу чорда сезнең буынның Ватаныбыз өчен кылган батырлыклары хөрмәт һәм соклану уята, казанышлары тагын да көчлерәк яңгырый, аһәңе арта.
«Минзәлә»-«Мензеля» газетасы – оптимизм рухы бөркелеп торган матбугат чарасы ул. Бүгенге көндә район газетасы берүзе өч басманы алыштыра: 14 телевизион каналның программалары бар, республикадагы яңалыкларны биредән белеп була, район яңалыкларының тулы палитрасы, аерым вакыйгаларга эксклюзив аңлатма. “Минзәлә”-“Мензеля”гә районда альтернатива була алмады һәм булмаячак та. Башкалар газета чыгарып, файда тупларга омтылып караган булса, без үз материалларыбыз белән башкаларга файдалы булырга омтылабыз. Киләчәктә дә бергә калыйк!
Татарстан 2014 елда да, региональ башкарма власть органнары җитәкчелегенең нәтиҗәлелеге буенча, инде бишенче тапкыр Россия күләмендә беренче урынны алды. Рейтинг нәтиҗәләре 7 майда үткән Россия Федерациясе хөкүмәте утырышында хәбәр ителде.
1 нче мәктәпнең 11 сыйныфында 25 бала белем ала. Сыйныфта балалар үзара дустанә мөнәсәбәттә, шаяннар, һәрвакыт бер-берсенә ярдәм итәргә әзер торалар. Сыйныф белән Ирина Ерофеева җитәкчелек итә. Алтын һәм көмеш медаль алырга 3 укучы претендент булып тора.