Горурланырга сәбәп бар

1 нче мәктәпнең 11 сыйныфында 25 бала белем ала. Сыйныфта балалар үзара дустанә мөнәсәбәттә, шаяннар, һәрвакыт бер-берсенә ярдәм итәргә әзер торалар. Сыйныф белән Ирина Ерофеева җитәкчелек итә. Алтын һәм көмеш медаль алырга 3 укучы претендент булып тора.

Укучылар Бөтенроссия олимпиадаларының ре­спублика турында да кат­нашканнар. Әйтик, Нияз Муллагалиев җәмгыять белеме буенча респу­блика олимпиадасында призер була. Кристина Давлеканова татар теле буенча район күләмендә узган олимпиадада җиңү яулый. Айзилә Фәттахова икътисад белеме буенча региональ олимпиадада район данын яклый.

Укучылар тырыш уку белән бергә актив тор­мыш рәвеше дә алып баралар – спорт чарала­рында катнашалар. Айдар Фәттахов милли көрәш буенча зона һәм респу­блика ярышларында күп тапкырлар җиңү яулый, футбол буенча республи­ка күләмендә узган ярыш­та призер була. Ел саен мәктәп күләмендә узучы “Үз спорт төреңә презен­тация” дигән чарада мил­ли көрәш спорты хакында 3-8 сыйныф укучыларын да таныштыра, үзе яула­ган грамоталар һәм кубо­кларын күрсәтә, балалар­ны да спортка өнди. Дани­яр Шәрипов исә гер спор­ты буенча төрле ярыш­ларда җиңү яулаган егет, ул да шулай ук үз спорт төрен презентацияләүдә актив катнаша. Таңсылу Госманова волейбол бе- лән мавыга, Минзәлә җыелма командасы со­ставында тора. 2012 елда республика күләмендә узган “Авыл уеннары” һәм “Көчлеләр кубогы” ярыш­ларында әлеге команда 1 нче урынга ия була.

Фирүзә Гыйльметди­нова Парижда узган “Та­лантлар салюты” конкур­сында “Гран-При” яулый һәм 1 нче дәрәҗә лау­реат исеменә лаек була, Миланда узган әлеге исемдәге конкурста 2 нче дәрәҗә лауреат исе­мен ала. Фирүзә белән Айзилә сыйныфның ак­тивистлары булып тора­лар, мәктәп һәм район күләмендә узган чара­ларда актив катнашалар. Андрей Ильин, Ислам Әхәтов, Айдар Фәттахов, Раушан Шәмсетдинов, Фаридун Кәримов 9 Май көнне мәктәпләр ара­сында уздырылган иң яхшы стройга басучылар конкурсында мәктәп ко­мандасына җиңү яуларга ярдәм итәләр.

Бүгенге көндә чыга­рылыш сыйныф уку- чыларының иң зур теләге – БДИны яхшы нәтиҗәләргә тапшырып, киләчәктә үзләре сайла­ган югары уку йорты сту­денты булу