ЯҢАЛЫКЛАР
Мозаффар Фаррахов исеме райондашларыбызга Минзәлә подстанциясе начальнигы буларак таныш. 1974-1999 елларда ул җитәкчелек иткән район электр челтәрләре зур үзгәреш кичерә. Шулай ук Мозаффар Тимерхановичны укучыларыбыз район газетасында басылган эчтәлекле мәкаләләре, шигырьләре аша да беләләрдер.
Бу рәсемдә үз яшьтәшләре арасында районның иң яхшы йөзүчесе исемен алып кубок белән бүләкләнгән, республика, Идел буе федераль округы бәйгеләрендә призлы урыннарны алган, шулай ук Татарстан данын яклап чыгыш ясаган шәһәрнең 2 нче урта мәктәбендә бик яхшы билгеләренә укучы Эмиль Кутдусов (рәсемдә).
Россия Пенсия фонды 15 октябрьне Бердәм пенсия грамоталылы көне дип игълан итте, ил буенча мәктәп укучылары һәм урта махсус уку йортлары студентлары өчен пенсия белән тәэмин ителеш нигезләре турында дәресләр узды.
Узган атнада юлчыларыбыз үзләренең һөнәри бәйрәмнәрен билгеләп уздылар. Әлеге уңайдан газетабыз хәбәрчесе “Татавтодор” ААҖнең Минзәлә филиалы җитәкчесе Марат СӘМИГУЛЛИН белән очрашып сөйләште.
Минзәлә районында иректән мәхрүм итү учреждениеләреннән кайткан гражданнарга җәмгыятьтә үз урыннарын табарга ярдәм итү йөзеннән төрле ведомстволар арасында махсус группа төзелде. Әлеге затларга адаптацион характерда төрле чаралар уздыру максатыннан әлеге эш группасы составына Мәшгульлек үзәге дә кертелде.