Онлы да булдылар, көрпәле дә

Узган атнада Яр Чаллы икмәк продуктлары ком­бинаты Бикбау авылы халкына түбән хактан он һәм көрпә сатты. Бөркәвечле КамАЗ машинасына төялгән 140 капчык югары сортлы онны һәм 30 килограммлы 120 капчык көрпәне бикбаулылар бик тиз бушаткан­нар, хәтта кайберәүләргә җитми дә калган. Авылга килгән алыпсатарлар югары сортлы онның бер кап­чыгын меңнән артыкка сатып йөрсәләр, монда ул 800 сум гына булган. Халык мәнфәгатьләрен кайгыртып, шушындый ярминкә оештырганнары өчен авыл хал­кы үзе сайлап куйган депутат Алмаз Шәриповка һәм район башлыгы Айдар Салаховка рәхмәтле. Мондый ярминкәләр заявкалар булганда башка авылларда да үткәреләчәк.