Юллар – тормыш артериясе

Узган атнада юлчыларыбыз үзләренең һөнәри бәйрәмнәрен билгеләп уздылар. Әлеге уңайдан газетабыз хәбәрчесе “Татавтодор” ААҖнең Минзәлә филиалы җитәкчесе Марат СӘМИГУЛЛИН белән очрашып сөйләште.

“Татавтодор” ААҖнең Минзәлә филиалы Акта­ныш, Минзәлә, Мөслим районнары территория-сендәге 900 километрга якын район һәм 106 ки­лометр федераль юл­ларга хезмәт күрсәтә. 230 эшче-хезмәткәрне берләштерүче зур кол­лектив үзләрнең һөнәри бәйрәмнәрен нинди күрсәткечләр белән кар­шылаган. Әңгәмәбез шул хакта.

– Марат Марсович быел нинди юллар төзедегез?

– Без үзебезгә ка­раган федераль М-7 трассасының Яр Чаллы­дан алып Башкортостан чигенә чаклы булган 106 километрлы участогын нормаларга туры ките­реп, карап, тәртиптә то­табыз. Шулай ук Минзәлә районында – 234, Мөслим районында – 318, Акта­ныш районында 346 ки­лометр территориаль юл­ларны да карыйбыз. Әле моның өстенә Минзәлә белән Актаныш районын­да 18әр, Мөслим райнын­да 14 күперне дә карап, төзекләндереп, ремонт­лап торабыз. Райондагы юлларның яртысыннан артыгына асфальт-бе­тон җәелгән. Быел без Наратлы Кичү-Хуҗәмәт юлында – 10 километр, М-7 федераль юлыннан Мәлкән авылына чаклы 9 километр асфальт юлны һәм Ык арты зонасындагы авыл юлларын асфальт­лап бетердек. Моннан тыш юллардагы торбаларны алыштырдык. М-7 трасса­сында һәм территориаль юлларда юл билгеләрен яңарту, чокырларны ямап тигезләдек, ясал­ма тигезсезлекләр җай-ланмалары кую (лежа­щий полицийский) буен­ча шактый эш эшләнде. Иң күп эшләр Минзәлә районында башкарыл­ды. Үртамак авылына ике километрдан артык, Усай авылындагы фельд-шер-акушерлык пункты­на чаклы 600 метр һәм Минзәлә шәһәрендәге Садак бистәсендәге яңа төзелгән “Шатлык” бала­лар бакчасы янындагы юлларга ак ташлы ком катнашмасы җәелде.

– Марат Марсович быел барысы ничә миллион сумлык эшләр башкардыгыз?

– 951 миллион сумлык эш башкардык. Шуның яртысыннан артыгы Минзәлә районына туры килә. Без эш күләме бу­енча 10 филиал арасын­да республикада узган ел икенче урында барсак, быел өченче урында ба­рабыз.

– Хәзер юл төзү сезо­ны төгәлләнде, кышкы сезонга әзерлегегез ничек?

– Быел кышкы сезон­га ныклап әзерләндек, техникаларыбызның әзерлеге 100 процент тәшкил итә. Җитәрлек күләмдә – 15 мең тонна тозлы ком катнашмасы кайтарылды.

– Бәйрәм уңаеннан кол­лективта тырыш хезмәт- ләрен куйган эшчеләрне атагыз әле?

– Юл төзүгә үзләреннән зур өлеш кертүче хезмәткәрләр баш инженер Рәшит Хадиев, производство буенча директор урынбасары Радик Корнилов, прораб Антон Германов, Ринат Хисамов, техника куркыныч­сызлыгы һәм хезмәтне саклау буенча инженер Анатолий Мордвинов, мастерлар Сер­гей Щеголев, Нияз Шәймиев, Тимур Рубцов, механик Алек­сандр Халдеев, лаеклы ялда булуына карамастан, Сабир Мирзануров яшьләрчә тыры­шып эшли. Аеруча прозвод­ство-техник бүлеге начальнигы Фаяз Галиев, шоферлар Алек­сандр Рубцов, Юрий Пузы­рев, Виктор Якушин, Альберт Вилданов Раиф Гыйльфанов, Александр Купчаков, Илдар Әхтәмов, Миргаяз Галимҗанов, Фәрит Кадырбаков, асфальт салу машинисты Сергей Фе­доров, каток машинисты Флүр Каюмов, төягеч машинисты Илдар Яковлев, Михаил Соко­лов, автогрейдер машинисты Таһир Гыйззетдинов, Васил Исмәгыйлов, Ринат Әхмәтшин, Хәмзә Мусин, бульдозер маши­нисты Хәлил Гайсин, Зөлфәрис Нәҗмиев, Нуретдин Солтанов, юл эшчесе Дилшат Хаҗиев һәм бик күпләр үзләренең ты­рыш хезмәтләрен куялар. Кол­лективта 230 кеше, шуларның 68е Актаныш, 46сы Мөслим участогында хезмәт куя. Аларның һәрберсе диярлек үз эшен булсын дип тырышып эшли, эшләрен намус белән башкаралар. Алар бөтенесе дә югары квалификацияле, район һәм республика икъти­садын үстерүгә үзләренең зур өлешләрен кертәләр.

– Коллективта яшьләр эшлиме?

– Безнең коллективка яшьләр бик теләп килә. Мәсәлән, Ле­онид Санников эшчеләрне “Газель” автомашинасында эшкә йөртә. Шулай ук Василий Кармановның эшенә тел-теш тидерерлек түгел. “КамАЗ” ав­томашинасын йөртүче Дми трий Арсланов та сынатмый, булсын дип хезмәт куя. Алар үзләренә йөкләтелгән эшне зур җаваплылык белән башка­ралар.

– Юл төзелешендә яңа технологияләр куллана­сызмы?

– Юл төзелешендә яңа техникалар да һәм яңа технологияләр күп хәзер һәм аларны тормышка ашы­рыр өчен яңа техника кирәк. Берничә ел рәттән ресайклер технологиясе безгә юлның сый­фатын яхшыртырга мөмкинлек бирә. ПГС кулланып цемент ку­шып юл салганда яхшы нигез әзерлибез, болай эшләгәч авто юллар төзегәндә чыгымнар да бераз кими. Бу технология белән эшләгәндә җирле мате­риаллар кулланып эшлибез. Шушы технологияне Мәлкән юлын төзегәндә дә кулландык.

– Белгәнемчә сезнең ас­фаль-бетон заводында үз лабораториягез бар. Анда кемнәр хезмәт куя?

– Лаборатория начальни­гы Ирина Михайлова, Рәхилә Гыйльманова үзләренә тапшы­рылган эшне зур җаваплылык тоеп башкарулары белән ае­рылып тора. Лаборатория за­манча җиһазлар һәм прибор­лар белән җиһазландырылган. асфальт җитештергәндә бөтен кирәкле материалларны кул­ланалар. Шулай булгач мон­да ныклы контроль кирәк. Кызларыбыз заводтан чык­кан асфальтның сыйфатын һәрвакыт тикшереп торалар. Асфальт-бетон заводы опера­торлары Илшат Нәбиев, Лео­нид Лебедев, Хафиз Туктаров үз-үзләрен аямыйча тырыш хезмәтләрен куялар. Асфальт- бетон заводы үз көенә эшләп тора. Быел безнең завод бар­лыгы 81 мең тоннадан артык асфальт-бетон җитештерде.

– Филиалда эшчеләргә нинди уңайлыклар туды­рылган?

– Бездә эшләүчеләрнең һәрберсенә техника куркыныч­сызлыгы һәм хезмәтне саклау буенча зур игътибар бирелә, әңгәмәләр оештырыла, аңлатыла. Эшчеләребез җәйге һәм кышкы чорда бушлай мах­сус киемнәр белән тәэмин ителә. Елга бер мәртәбә меди­цина тикшерүен түләүсез уза­лар. Шулай ук көндезге ашау да филиал хисабыннан. Бездә эшләүчеләр хезмәт хакыннан бик канәгать, регионда бездән дә югары хезмәт хакы алмый­лар.

– Ашханәгездә тагын кемнәр туклана?

– Ашханәбездә эшче- хезмәткәрләребезне туклан­дырабыз. Анда үз эшен яхшы белгән пешекчеләр Рәмзия Шиһапова белән Зөлфирә Минһаҗева хезмәт куя. Алар көн саен ашларны төрләндереп пешерәләр, биредә көнгә 60-70 кеше тамак ялгап ала һәм юлда эшләүчеләрне дә ашаталар.

– Бәйрәм уңаеннан эшчеләрегезгә әйтер теләкләрегез бармы?

– Коллектив хезмәткәрләрен һәм юл хуҗалыгы эшчәннәрен бәйрәм уңаеннан чын күңелдән тәбриклим, һәрберсенә гаилә иминле­ге, бәхет һәм сәламәтлек, күтәренке кәеф телим. Яңа юллар салуда, куркынычсыз юл хәрәкәтен тәэмин итүдә үзләрен аямыйча эшләүче юлларны төзекләндерүдә эшләүче эшчеләргә, машина йөртүчеләргә, проект ясаучы­ларга нәтиҗәле хезмәтләре өчен рәхмәтемне җиткерәмен.