ЯҢАЛЫКЛАР
2014 елның 13 августыннан Татарстанда икътисадның бюджеттан тыш секторында эшләүче хезмәткәрнең минималь эш хакы күләме 6420 сумны тәшкил итә. Республиканың дәүләт һәм муниципаль учреждениедә эшләүче хезмәткәрләрнең минималь хезмәт хакы күләме агымдагы елның 1 гыйнварыннан 5965 сум булды.
Узган ел Минзәлә районы буенча котыру авыруы шиге булган өч очрак теркәлгән.
Без ел саен 9 нчы май көнендә Бөек Җиңүгә багышланган бәйрәм парадына барабыз. Анда күкрәкләренә орден, медальләр таккан чал чәчле ветераннарны күргәч, безгә тыныч тормыш бүләк иткән өчен – рәхмәт хисе уяна. Шуларның берсе – Алексей Афанасьевич Назаров.
Якташыбыз былтыр олы юбилеен билгеләп үткән Фәнзаман Баттал 2014 елның октябрь ае ахырында якташларым турында зур сәяхәтнамә язам, “Казан утлары” журналында бастырып чыгарам дип, өч-дүрт көн буе районны аркылыга-буйга гизеп йөргән иде. Нәтиҗәсен күрер вакыт җиттеме? Сүзеңдә тордымы? Хәбәрчебез Илдус Шаһиев әнә шул сорауларга җавап бирүне үтенеп Фәнзаман Батталга мөрәҗәгать итте.
Минзәлә коррекция интернат- мәктәбендә тәрбияләнүче балаларның Чыршы бәйрәмендә район башлыгы Айдар Салахов бу елны әнә шулай дип атады.
Татарстанда пенсионерның пенсиясенә социаль өстәмә билгеләү өчен яшәү минимумы күләме узган ел 5912 сум күләмендә билгеләнгән иде. Быел исә аның күләме – 6310 сум. Узган елның декабрь аена Минзәлә районы буенча өстәмә түләү (ФСД) 497 кешегә билгеләнде, аның уртача күләме – 951 сум.
Халыкара класс буенча спорт мастеры, СССР чемпионы Рузалин Бакиев призына Бөгелмә шәһәрендә үткәрелгән ТР Беренчелегенә чаңгы ярышлары буенча команда зачетында чаңгычылар бронза кубогына лаек булдылар.
«Халык контроле» дәүләт мәгълүмат системасына экстремизм, коррупция дигән яңа категорияләр кертелә. Бу хакта ТР хөкүмәте йортында шушы көннәрдә уздырылган брифингта ТР мәгълүмат һәм элемтә министры урынбасары Тимур Зарипов хәбәр итте. Болардан тыш хезмәтне саклауга, хезмәт мөнәсәбәтләренә кагылышлы яңа категорияләрне кертү мәсьәләсе дә хәл ителә.