ЯҢАЛЫКЛАР
Минзәлә авыл хуҗалыгы техникумы ветеринария бүлегенең 1 нче курс студенты Альбина Шәмсетдинова билбау көрәше буенча спорт мастерлыгына кандидат булды.
30 майда , 10 сәгатьтә, Минзәлә районының беренче Сабан туе Әтрәкле авылында булачак. Максаты – бу төбәктә яшәүче халыкка аралашу мөмкинлеге тудыру. Актаныш-Мөслим-Минзәлә якларында туганлашып яшәүчеләр бик күп бит.
Казанда Татарстан һәм Бөтенроссия предмет олимпиадалары җиңүче һәм призерларын хөрмәтләделәр. Анда 1 нче мәктәпнең татар теле һәм әдәбияты укытучысы Лилия Гайнуллина һәм аның укучысы Гүзәл Рәхмәтуллина катнашты.
“Әнәк” агрофирмасына караган Мөшеге бүлекчәсендә хуҗалыкның уңган механизаторлары без булган көнне Мөслим районы белән чиктәш булган басуда соңгы гектарларны чәчә иделәр.
Барлык авылдашларымны, авыл хуҗалыгы эшчәннәрен, кунакларны милли бәйрәм – сабан туе белән котлыйм һәм якташларны Әтрәкле авыл Сабан туена чакырып калам.
Традициягә тугры калып, районыбызда яшәүче өлкән буын вәкилләре – сугыш, тыл һәм хезмәт ветераннарын юбилейлары белән котлауны быел да дәвам итәбез. Бөек Җиңүнең 70 еллыгы билгеләп үтелгән бу чорда сезнең буынның Ватаныбыз өчен кылган батырлыклары хөрмәт һәм соклану уята, казанышлары тагын да көчлерәк яңгырый, аһәңе арта.
“Татарстан – музей язы” республика акциясе кысаларында туган якны өйрәнү музеенда тантаналы шартларда район мәктәпләрендә укучы, 14 яшь тулганнарга РФ гражданины паспортлары тапшырылды.