Күңелле ял итик
Барлык авылдашларымны, авыл хуҗалыгы эшчәннәрен, кунакларны милли бәйрәм – сабан туе белән котлыйм һәм якташларны Әтрәкле авыл Сабан туена чакырып калам.
Сабан туе – безнең иң матур гореф-гадәтләребезнең саклануын күрсәтүче, халыкның олысын, кечесен туплаучы,барыбызның да көтеп алган, яраткан бәйрәме ул. Истә калырлык шатлыклы мизгелләргә үрелеп баручы Сабан туеның күтәренке рухы киләчәктә армый-талмый хезмәт кую, игелекле гамәлләр кылу өчен кәеф күтәренкелеге көч-дәрт бирер дип ышанам.
Хөрмәтле якташлар, барыгызны да 30 майда 10 сәгатьтә башланачак авыл Сабан туена чакырабыз һәм 31 майда 9 сәгатьтә булачак ярминкәдә көтеп калабыз! Алдагы көннәребез дә бүгенге кебек ямьле, күңелле үтсен, өстәлләребездә ризыклар мул булсын!
Радик Фәттахов,
“Заиковский” хуҗалыгы җитәкчесе.