ЯҢАЛЫКЛАР
Өлкәннәр декадасына әзерлек Иркәнәш авылында алданрак башланды. Социаль хезмәткәрләр Гөлназ Әгълиева һәм Чулпан Мирзаянова үзләре хезмәт күрсәтүче өлкәннәрнең күңелләрен күрү, аларның кәефләрен күтәрү өчен тырыштылар.
Әле кайчан гына игеннәрне урып-җыясы бар дип тора идек, хәзер инде басулар бушап калды: игенчелектә авыл эшчәннәре өчен көн кадагында торган төп мәсьәләләр – сыйфатлы чәчүлек орлыкны саклагычларга урнаштыру, кукуруз уру һәм туфракны төп эшкәртү.
Үзәкләштерелгән китапханәдә Чаллы шәһәрендә яшәп иҗат итүче, әсәрләрен халык яратып өлгергән, үз иткән язучы Зифа Кадырова һәм шагыйрә Әлфия Ситдыйкова белән очрашу узды.
1889 елда ул булачак белгечләр (агроном ярдәмчеләре) өчен авыл хуҗалыгы мәктәбе буларак ачыла. Шуннан соң әлеге уку йорты исеме күптапкырлар үзгәрә, ә 1990 елдан башлап ул – авыл хуҗалыгы техникумы. Исеме үзгәреп торса да, әлеге уку йорты үз эшчәнлеген үзгәртми: авыл хуҗалыгына кадрлар әзерләү юнәлешеннән беркайчан да читкә тайпылмый.
Бүген шәһәребезнең Октябрь мәйданында иртәдән үк җанлылык башланды. Район хуҗалыкларыннан тыш, авыл җирлекләре, шәхси эшмәкәрләр районда барган өлкәннәр ункөнлеге уңаеннан оештырылган ярминкәдә авыл хуҗалыгы продукцияләре белән сату итте.
Хөрмәтле ислам динен тотучы райондашлар!
Сезне чын йөрәктән Корбан бәйрәме белән котлыйм! Һәр мөселман өчен зур мәгънәгә ия булган бу дини бәйрәм тынычлык һәм изгелек, гөнаһларны кичерү һәм якыннар турында кайгыртуны чагылдыра.
“Сөт иле - Чулман” филиалының механизаторлары силос хәзерләүне быел да узган елдагыча оешкан төстә башлап җибәрделәр.
Дәүләт хезмәтләре порталында https://uslugi. tatarstan.ru/ “Вакытлы матбугатка язылу” хезмәте барлыкка килде.
Казанда “РИТЭК” ААҖ һәм коммерцияле булмаган “Лукойл” Хәйрия фонды” социаль һәм мәдәни проектларның V конкурсы лауреатларын бүләкләделәр. Тантанада Татарстан Президенты Рөстәм Миңнеханов, республиканың Дәүләт киңәшчесе Миңтимер Шәймиев, “Лукойл” ААҖ президенты Вагит Алекперов, “Лукойл” ААҖ һәм “РИТЭК” ААҖ директорлар Советы рәисе Валерий Грайфер, “РИТЭК” ААҖ генераль директоры Николай Николаев катнашты.