5 октябрь – Укытучылар көне
Хөрмәтле укытучылар, мәгариф хезмәткәрләре һәм педагогика хезмәте ветераннары!
Матур традиция буенча һәр ел октябрь башында без сезгә, игелекле хезмәт ияләренә, иң якты бәйрәм – Укытучылар көне белән котлап мөрәҗәгать итәбез. Һәрберебезнең тормышында зирәклеге, күңел юмартлыгы, тирән белемнәре белән эчке дөньябызны баеткан, киләчәгебезне төзергә ярдәм иткән кадерле кешебез – Укытучыбыз бар. Олы яшькә җиткәч без авырлыклар алдында югалып калмаска, яхшылыкны начарлыктан аерырга, үз-үзеңә ышанырга өйрәткән укытучыларыбызны тирән ихтирам һәм рәхмәт хисләре белән искә алабыз.
Бу бәйрәм көнендә авыр һәм игелекле хезмәтегез өчен рәхмәтемне белдерәм. Йөрәгегездәге изгелек беркайчан да кимемәсен, балаларга тапшырган күңел җылыгыз үзегезгә сәламәтлек, бәхет һәм безнең район, республика, илебез киләчәге өчен зур эшләр башкарырга яңа көч бирүче иҗат дәрте булып әйләнеп кайтсын!
Айдар Салахов, муниципаль район башлыгы.