Маллар тук булсын өчен
“Сөт иле - Чулман” филиалының механизаторлары силос хәзерләүне быел да узган елдагыча оешкан төстә башлап җибәрделәр.
Хуҗалыкның Тулбай бригада- сында кышлату чорына 2300 тонна сенаж, төргәкләргә төрелгән 400 тонна печән, 600 тонна салам ферма янына кайтарып өеп куелган. Биредә кукуруз 604 гектарда үстерелеп шуның 360 гектары – силос, 200 гектары бөртек өчен. Зөфәр Минаев җитәкчелегендәге терлек азыгы хәзерләү бригадасы механизаторлары кукурузны силоска салу белән мәшгуль. Кукуруз уруда “Ягуар” комбайнында Василий Калинин, “Полесье-280 азык ургыч комбайнында Әсхәт Әхмәтов сынатмыйлар. Алар кукурузны ваклатып машиналарга, трактор арбаларына төяп җибәрәләр. Кукуруз массасын ташуда “КамАЗ” шоферлары Ильяс
Идрисов, Өлфәт Фәрдиев, Расил Фаррахов, Гарифҗан Сабирҗанов, Айдар Әхмәтҗанов, МТЗ-1221 тракторында эшләүче механизаторлар Фәнис Галимов, Алмаз Бәдертдинов, Ленар Вәлиев зур көч куялар. Кайткан массаны К-701 тракторында эшләүче механизаторлар Рафис Кагиров, Рәмзил Хәбиров тыгызлап, эттереп тора. Әлеге уңганнар арасында лаеклы ялга чыкканнары да бар, Өлфәт ага 70, Рафис ага 65 яшен тутырып килсә дә, яшьләрдән калышмыйча эшлиләр. Бу уңганнар 5 мең тонналы базны тутырып, ферма тирәсендә киңлеге 20, буе 100 метр булган курганны өйделәр. Алар аны дүрт көндә өеп бетерделәр. Кайткан кукуруз массасының төгәл исәбен фуражир Илдус Шәрәфетдинов алып барган. “Аның эшенә тел-теш тидерерлек түгел”, диделәр яшел масса ташучы механизаторлар. Тулбай товарлыклы-сөтчелек фер
масы терлекләре өчен 7500 тоннага якын силос салынган инде.
– Механизаторлар ал-ял белми эшли. Әлегә монда 200 гектар кукурузны бөртеккә урып-җыясы, ә филиал буенча 500 гектар кукурузны силоска, 500 гектарын бөртеккә урып-җыясы бар, – ди филиал җитәкчесе Линар Ахунов.
сан
“Сөт иле - Чулман” филиалын- да быел 2800 гектарда кукуруз үстерелде. Филиал буенча 4138 баш мөгезле эре терлек бар, барлыгы 25000 тонна кукуруз силосы салынган, бу бер баш шартлы терлеккә исәпләгәндә 6 тоннадан артык силос әзерләнгән дигән сүз.
Дилфас ГАЛИЕВ