ЯҢАЛЫКЛАР
Үзешчән композитор Рөстәм Әхмәтханов – минем укытучым да. Безне укыткан вакытларда да гел безнең арада булды, бергәләп концертлар куя идек, кулыннан баяны төшмәде. Ә хәзер берсеннән берсе матур җырларын “Күңел” радиосыннан тыңлыйбыз.
Район башлыгы Айдар Салахов белән очрашуда бикбаулылар авылда ярминкә узсын иде дигән теләкләрен җиткергәннәр иде. “Яр Чаллы икмәк продуктлары комбинаты” ААҖ генераль директоры, ТР дәүләт Советы депутаты Алмаз Шәрипов ярдәме белән чираттагы ярминкә уздырылды. Бу юлы да азык-төлек продуктларын мулдан алып килделәр: 6 тонна югары сортлы һәм 1 тонна беренче сортлы оннар, 3 тонна көрпә, 1 тонна катнашазык, очсыз хакка хәтта макорон белән печенье да бар иде.
Район хуҗалыкларында 21100 гектар мәйданда игеннәр суктырып алынды, шуның 7900 гектары арыш, көзге бодай-9000, арпа-4000, борчак 200 гектар тәшкил итә. Район буенча һәр гектардан уртача уңыш 21,5 центнер. Безнең район игенчеләре урып-җыю буенча республикада сигезенче урында бара. Игеннәрне суктыруда 66 комбайн эшли.Игеннәре суктырылып алынган мәйданнардан саламны төргәкләргә урау дәвам итә, барлыгы 5400 тонна салам хәзерләнде.
Казанда су спортның төрләре буенча узучы Бөтендөнья чемпионатында “Юбилейный” спорт мәктәбенә йөрүче иң яхшы йөзүчеләр һәм тренер-укытучылардан тупланган 45 кешелек коллектив тамашачы буларак катнашты.
Шәһәребезнең Мирная, Социалистическая, Татарстан, Гоголь, Головин, Северная урамнары буйлап үтүче суүткәргечнең яңа үзәк челтәрен төзәргә керештеләр.
«Яктыртырга һәрвакыт, яктыртырга һәр җирдә: укуда, спортта һәм хезмәттә» – нәкъ менә шундый девиз астында шәһәр яны «Кояшкай» лагерында чираттагы смена үтә, 4 августта аның тантаналы ачылышы узды.
РФ Хезмәт кодексына үзгәрешләр керү сәбәпле, бүгенге көндә эшкә урнашканда күп кенә оешмалар эшкә урнашучыдан хөкем ителгән-ителмәгәнлек яки нинди дә булса җинаять өчен аның артыннан күзәтү алып барылу- барылмау хакында белешмә сорыйлар.
Татарстан лидеры Рөстәм Миңнеханов урак кампаниясенең барышын контрольдә тоту өчен соңгы ике атнада Республика районнарында игенчеләр белән очраша.
«Татавтодор” ААҖнең Марат Самигуллин җитәкчелегендәге Минзәлә филиалы 1000 км дан артык федераль һәм территориаль әһәмияткә ия гомуми файдаланудагы юлларга хезмәт күрсәтә. Филиал Минзәлә, Мөслим һәм Актаныш районнары участокларын берләштерә.
Картлык көндә пенсиясез калмас өчен