ЯҢАЛЫКЛАР
13 нче гыйнвар көнне, 9 сәгатьтә, 2 нче урта мәктәп базасында 2013/2014 уку елында компьютерда эшләү осталыгына өйрәнгән кешеләр арасында IT- олимпиадасының II республика этабы була.
Әтрәкледә быел да бүләкләр тапшырдылар. Бу юлы район башлыгы Айдар Салахов эче күн һәм киез итекләрне хуҗалыкларда эшли башлаган яңа җитәкчеләргә, авыл җирлекләре башлыкларына һәм мәктәп директорларына тапшырды.
Агымдагы елның шушы чорына коррупциягә каршы тору буенча район прокуратурасы 169 хокук бозу очрагын ачыклаган.
Тәрбиягә һәм опекага алынган ятим һәм ата-ана тәрбиясеннән мәхрүм калган балалар өчен ай саен түләнә торган акчалата түләү суммасы арта.
Сабир Өметбаев исемендәге Минзәлә татар дәүләт драма театрында бик яхшы билгеләренә генә укучы балалар өчен Яңа ел чыршысы оештырылды. Бәйрәмгә 231 мәктәп укучысы чакырылган иде. Алар барысы да уку алдынгылары, район, республика, бөтенроссия олимпиада, төрле конкурслар һәм спорт чаралары җиңүчеләре
Кечкенә минзәләлеләр Кыш бабайдан компьютер уеннары, флэшкалар, уенчыклар, курчаклар сорадылар. Тылсым иясенә ата-ана назыннан мәхрүм калган һәм азкеремле гаиләләрдән 60 бала хат язган.
ТР ДОСААФның автомобиль мәктәбендә “Спутник” картинг- клубы эшләп килә. Монда укучыларга машина йөртү тактикасы өйрәтелә, юл йөрү кагыйдәләре буенча занятиеләр уздырыла, малайлар һәм кызлар двигатель һәм автомобильнең нинди бүлекләрдән торуын тикшерәләр, мөстәкыйль рәвештә картингларны төзәтәләр.