ЯҢАЛЫКЛАР
Ике дистәгә якын ветеран башта рәхәтләнеп үзләрен хөрмәтләгәнне тыңлады, аннан соң авыл җирлеге һәм мәктәп укытучылар әзерләгән тәмле ризыклар куелган өстәл артында сөйләшеп утырды.
Шәһәребездә кыяр үстерү белән шөгыльләнүче Вильсур Хәлиуллинга телефон аша шалтыратып хәлләрен белешкәндә, кыярларның кайчан уңыш бирүе белән кызыксынгач, ул: “Аллаһы Тәгалә кайчан бирә – шунда була” дип кыска гына җавап кайтарган иде. Ә өйләренә барып, тормышлары һәм эш процессы белән танышкач, үз көчләре, үз тырышлыклары белән уңышка ирешүче кешеләр икәненә төшендем.
Ел саен әле бер, әле икенче төбәктә Татарстан Республикасының урта медицина белем бирү учреждениеләре студентлары арасында үткәрелеп килүче "Татар кызы-2015" республика бәйгесенең быелгысы Минзәләдә узды.
Торак-коммуналь хезмәтләр өчен бурычлар арта барганлыктан, Идарәче компания март аен ТКХ өлкәсендәге бурычларны җыю айлыгы буларак игълан иткән. Әлеге компания хезмәткәрләре суд приставларын да ярдәмгә чакырган.
Җир кишәрлеген, милекне тулаем яки күпмедер өлешен кабат рәсмиләштергәндә, якын туганнарга (ата-аналарга, абый- апаларга) бүлеп биргәндә, межалау үткәргән очракта, транспорт чарасының номеры үзгәргән вакытта учеттан төшерелгәндә, двигателе алыштырылганда, документлар кабаттан торгызылганда, утильләштерелгәндә салым органына барып бу хакта аңлатма бирергә һәм тиешле документларны күрсәтергә кирәк.