СУД ПРИСТАВЛАРЫ ЯРДӘМЕ
Торак-коммуналь хезмәтләр өчен бурычлар арта барганлыктан, Идарәче компания март аен ТКХ өлкәсендәге бурычларны җыю айлыгы буларак игълан иткән. Әлеге компания хезмәткәрләре суд приставларын да ярдәмгә чакырган.
Уртак эш нәтиҗәсендә күпфатирлы йортларда яшәү- челәргә бурычларын каплауны кисәтеп 350 искәртмә таратылган, 30 бурычлыга карата коммуналь хезмәтләр күрсәтүне өзү яки чикләү чарасы кулланылган, 17 суд приказы чыгарылган, 22 фатир хуҗасының милкенә арест салынган. Бу чаралар ТКХ хезмәтләре өчен бурычларны 300 мең сумнан күбрәккә киметергә ярдәм иткән.
“Шушы юнәлештә эшне алга таба да дәвам итәчәкбез, кыен хәлдә калмас өчен минзәләлеләргә түләүләрне үз вакытында каплап барырга тәкъдим итәбез”, ди Идарәче компания директоры Виталий Цветков.
Гражданнарның түләү дисциплинасына бәйле бурычлары хакында РФ Торак кодексы маддәләре белән menzela.ru сайтында танышырга була.