ЯҢАЛЫКЛАР

Шәһәребезнең 11 нче санлы балалар бакчасы җитәкчелеге артистларыбызны “Я талантлив!” – “Мин талантлы!” проекты кысаларында чыгыш ясарга чакырды. 

Сабир Өметбаев исемендәге Минзәлә татар дәүләт драма театры коллективы бу җәйдә чагыштырмача азрак ял итте. 

Минзәлә мәчетендә балаларга дини сабаклар бирүче лагерь үз эшен тәмамлады. Мондый лагерь Минзәлә мәчетендә 14 көн дәвамында эшләп килде. 

Шәһәребездә гаять зур төзекләндерү эшләре бара. Объектларның берсе – элеккеге 52 нче һөнәри училище. Монда училище булган заманаларда бирегә кереп йөргән һәркем хәзер бинаны күреп шаккатыр. Яңа, матур, заманча итеп эшләнгән бина гимназия карамагына күчте. 

Палаталар шәһәрчеге, армия режимы, кул сугышы, ату, пейнтбол ярышлары, парашюттан сикерү – боларның барысы белән дә укучылар ”Патриотлар үстерәбез” җәйге республика патриотик лагерында очрашты. Бу лагерьга эләгү өчен физик әзерлекле булу гына җитми, камуфляж, махсус аяк киеме дә кирәк иде. 

Узган елның декабрь аенда РФда Бала хокуклары буенча вәкаләтле вәкилләр ассоциациясе Новороссия балаларына һәм балигъ булмаган балалары булган гаиләләргә ярдәм итү, аз гына булса да күңел җылысы, кәеф күтәренкелеге бүләк итүне үтенеп, Россия төбәкләре җитәкчеләренә мөрәҗәгать иткән иде. 

Татарстанда һәр икенче эшмәкәр Пенсия фондына бурычлы. Билгеләнгән күләмдәге иминият кертемнәрен күчермәүчеләргә пени һәм штрафлар яный. Бүгенге көндә үз мәшгульлеген тәэмин итүчеләр 1 миллиард 900 миллион сум күләмендә тиешле, хезмәткәрләре булган предприятиеләрнең бурычы 2 миллиард 250 миллионга җиткән.

2015 ел - Парк һәм скверлар елы дип игълан ителде. Республика бюджетыннан бу максатка бер миллиард сум акча бүлеп бирелгән. Бу татарстанлыларның яраткан ял итү урыннары булган яшел зоналарның яңаларын булдырырга һәм булганнарын төзекләндерүгә мөмкинлек бирә.