Мин талантлы!

Шәһәребезнең 11 нче санлы балалар бакчасы җитәкчелеге артистларыбызны “Я талантлив!” – “Мин талантлы!” проекты кысаларында чыгыш ясарга чакырды.

Артистка Эльмира Гәрәева әзерләгән сце­нарий буенча яшьләребез – Илдус Кәримов, Илсинә Миннемуллина, Язгөл Хәбибуллина, Ра­ния Хәлимовалар өлкән группа балаларын артист һөнәре белән таныштырып уенлы-җырлы кур­чак спектакленнән өзекләр һәм грим салу буенча мастер-класс күрсәттеләр. Алга таба кайберләре артист һөнәрен сайлаячак нәни дусларыбызга те­атр артистларының чыгышы бик ошады.