ЯҢАЛЫКЛАР

Казан шәһәренең “Корстон” күңел ачу комплексында авыл хуҗалыгы һәм эшкәртү сәнәгате хезмәткәрләренең һөнәри бәйрәме якынлашу уңаеннан уздырыла торган Татарстан Республикасы Президенты Рөстәм  Миңнеханов исеменнән кабул итү тантанасы үтте.

Бәйрәм чарасында Әтрәкле авылы турында 7 минутлык видеофильм күрсәтелде. Әлеге фильмнең төп герое-районыбызның Әтрәкле авылында яшәүче хезмәт ветераны, гомере буе колхозда комбайнчы булып эшләгән Мәксүд Шигабиев. Фильмда аның бөтен гомере ашлык басуларында узуы, иртә таңнан чыгып китеп, караңгы төшкәч кенә  башы түшәккә тиюе турында уйланулар тасвирланды. Фильмда аның артыннан киткән уллары Ришат, Айрат, Илфат чагылыш таба.

Районыбыз җирлегендә эчкечелек аркасында эшләнгән җинаятьләр 30 процентка арткан.

Шулай ук элек хөкем ителгәннәр тарафыннан кылынган җинаятьләр саны артуга бара.  Районыбыз оешмаларында республика юстиция министрлыгының күчмә тикшерүләре башланды. Бу республика комиссиясе тикшеренүләре 4 елга бер мәртәбә үткәрелә. Аның эшендә эш төркеменең җитәкчесе, юстиция министры урынбасары Мөхәррәм Ибятов , район башлыгы урынбасары Камил Нәҗмиев, район башкарма комитеты җитәкчесе Илгизәр Шагалиев,төрле министрлыкларның вәкилләре катнаша. Алар башта район администрациясенең утырышлар залында районыбыздагы оешмалар,хокук саклау органнары, социаль юнәлештәге иҗтимагый оешма җитәкчеләре, халыкка социаль хезмәт күрсәтү буенча дәүләт учреҗдениеләренең, яшь буынга патриотик тәрбия бирүдә  ДОСААФ, Форпост җитәкчеләре белән очрашып сөйләштеләр.

Алар алдында чыгыш ясаган Мөхәррәм Ибятов гадәттәгечә, район хакимияте алдында куелган бурычларны үтәү буенча эш планын җиткерде. Милләтара һәм динара татулык районыбызның һәм республикабызның өстенлеге булуын, милли мәгарифне саклау, милләтләр бердәмлеген ныгыту, ватанпәрвәрлек хисләрен тәрбияләүнең мөһимлеге дә ассызыклап үтелде. Социаль юнәлештәге иҗтимагый оешмалар, халыкка социаль хезмәт күрсәтү буенча дәүләт учреҗдениеләренең, яшь буынга патриотик тәрбия бирүдә ДОСААФ, Форпост, мәктәп укучыларының  һәм яшь армиячеләр иҗтимагый хәрәкәтләре мөмкинлекләрен тулырак файдалану, наркотиклар әйләнешен контрольдә тоту,җинаятьчелекне киметү, эчкечелекне авызлыклау, профилактика һәм башка мәсьәләләр күз уңыннан ычкынмаска тиеш. Ул бу комиссия белән кулга-кул тотынып, аңлашып, тыгыз бәйләнештә, ярдәмләшеп эшләргә кирәклеген дә билгеләп

Спектакльдә район башлыклары, хуҗалык рәисләренең тормышы сурәтләнә.

Күптән килгән традиция буенча, Сабир Өметбаев исемендәге Минзәлә татар дәүләт драма театры Өлкәннәр көне уңаеннан 7 октябрьдә 10:00 сәгатьтә “Кирәкле кишер яфрагы” сатирик комедиясен хәйрия спектакле буларак күрсәтәчәк.

Мөселманнар өчен иң зур бәйрәм – Корбан бәйрәме якынлашкан көннәрдә тирә-юнебезне җыештырып алу, чистарту буенча өмәләр үткәрү бер дә зыян итмәс иде, ди Аю авыл җирлеге башлыгы Нурһади Гыйльфанов. Шуны күздә тотып, 10 сентябрь көнне 8.00 сәгатьтә Аю авылындагы зиратны чистарту буенча өмә була. Үзең белән эш кораллары да алып килергә онытмагыз, дип искәртә өмәне оештыручылар.

Татарстаныбызның барлык районнарында да “Бердәм Россия” фиркасенең мобиль җәмәгат кабул итү пунктлары эшләүләрен дәвам итәләр. Алар августның 11ендә районыбызның Урыс , Тауасты Байлар авыл җирлегендә һәм шәһәребезнең Октябрь мәйданында халыкның мөрәҗәгатьләрен кабул иттеләр. Бу проект фирканең сайлау алды агитация программасы кысаларында ашырыла.Бүген  шәһәребезнең “Юность” боз сарае мәйданына иртәнге сигез тула 15 минутта килеп җиткән иде. Алар шушы 2 сәгатькә якын эчендә 10 кешедән мөрәҗәгать кабул иттеләр. Аннары мобиль җәмәгать кабул итү пункты районыбызның Николаевка һәм Кадрәк авылында булды. Аның җитәкчесе Александр Паймухин( хокук сораулары буенча баш белгеч) халык белән аралашты. Аның командасы шәһәр һәм авыл халкының наказларын бланкларда язып алдылар, кайсы бер авыл кешеләре бланкларны үзләре тутыручыларда булды.  Әлеге наказларны алар яңадан Россия Федерациясе Дәүләт Думасына   депутатлыкка кандидатларга тапшырачаклар.

Татар Мөшегесе урта мәктәбе яңа уку елын капиталь төзекләндерелгән бинада каршы алды. Биредә кыштан алып дәвам иткән капиталь капиталь ремонт тәмамланып, 1 сентябрь көнне  белем йорты тантаналы рәвештә ишекләрен ачты.

Бүген 31 август көнне Минзәлә картлар йортында “Терроризм  һәм экстремизм - җәмгыятькә куркыныч яный”  дигән террорга каршы лекция укылды. Терроризмга каршы көрәштә бердәмлек көненә багышланган  әлеге профилактик лекцияне полиция участковые, сержант Курбанов Ильшат укыды. Терроризм  һәм экстремизмның  җәмгыятькә ничек куркыныч янаганын, экстремаль ситуацияләрдә үз-үзеңне ничек тотарга кирәклеген аңлатып китте ул. “Бары тик толерантлык һәм үзара ихтирам гына терроризм күренешләрен тамырдан юк итәргә, аны таратучыларны җәмәгатьчелек таянычына ышанычтан мәхрүм итәргә ярдәм итәчәк”-диелде аның чыгышында.

Әлеге чарага район башлыгы урынбасары Камил Нәҗмиевтә килгән иде. Бәйрәмне авыл җирлеге башлыгы Алия Шәрипова  ачып җибәрде. Алия ханым ярминкәгә килгән халыкны бәйрәм белән тәбрикләде. Аннан соң Камил Нәҗмиев бәйрәмгә килгән халыкны Республика көне һәм ярминкә белән тагы бер кат  котлады. Аннары алар ярминкәне карап чыктылар, аның авыл халкы өчен оештырылуына басым ясадылар. Ярминкәдә   авыл эшмәкәрләре үз продукцияләрен тәкъдим иттеләр. Бәйрәм ярминкәсендә нигездә шушы авыл җирлегендә җитештерелгән азык-төлек, кул эшләнмәләре белән сәүдә иттеләр.   Өлгеррәк эшмәкәрләр үз продукцияләрен ике сәгать эчендә сатып та бетерделәр. Биредә сыер ите, суган,аш чөгендере, кишер, бал һәм сөт продукцияләре тәкъдим иттеләр. Иң мөһиме- алар кыйммәт тә түгел иде. Чөнки сатучылар бәясеннән тормадылар, очсызга да сатып җибәрделәр. Авыл мәдәният йорты концерт программасын кызыклы итеп төзегән иде. “Ак калфак” ансамбле, һәм башка үзешчән артистларның чыгышын ярминкәгә  чыккан кешеләр алкышларга күмделәр.

Районыбызда аеруча югары күрсәткечләргә ирешкән  комбайнчыларга, район башлыгының акчалата бүләкләре һәм Рәхмәт хатлары   тапшыру матур традициягә әйләнде.

Бу юлы әлеге бүләккә районда план буенча йөкләмәләрен икенче тапкыр үтәгән комбайнчыларны “Органик групп-Минзәлә” агрофирмасының  Якты юл хуҗалыгыннан  башланды.  Монда  Артур Петров бүләкләнде. Ә инде агрофирманың җитәкчесе Илфар Халиков 55 яшен басуда каршылаган комбайнчы Рәвис Сабировка агрофирманың  Рәхмәт хатын тапшырды.