ЯҢАЛЫКЛАР
"Бердәм Россия" сәяси партиясенең чираттагы күчмә кабул итү пункты 1 сентябрьдә Урыс, Тауасты Байлар, Юртау авыл клублары янәшәсендә эшләде.
Бүген, Юртау бистәсендә, "Барлык буын Ватанны саклаучыларга" исемле обелиск ачу тантанасы узды.
Тантаналы линейкага дулкынланган ата-аналар һәм елмаючы укытучылар, шт күңелле укучылар һәм кадерле кунаклар килгән иде.
2 сентябрьдә "Демография" илкүләм проектының "Өлкән буын" Федераль проектын гамәлгә ашыру кысаларында Минзәлә районында 65 яшьтән югары 11 өлкән гражданнарны мөмкинлекләре чикләнгән пассажирларны йөртү өчен махсус транспортта хастаханәгә китерделәр.
Куркыныч һәм начар метеорологик күренешләр фаразланмый.
2 нче урта мәктәп капиталь ремонттан соң үз ишекләрен ачты.
ТР Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгечләре дөгенең сыйфатын билгеләргә ярдәм итүче берниәч тест тәкъдим итәләр.
Район буенча бер гектардан чыккан уртача уңыш 40,8 центнер тәшкил итә. Бер гектардан уртача уңыш җыеп алу буенча районыбыз игенчеләре әлегә республикада дүртенче урында баралар.
Татарстан Республикасы көнендә “Казан” халыкара ат спорты комплексында Татарстан Республикасы Президенты кубогына һәм Татарстан Республикасы Авыл хуҗалыгы һәм азык-төлек министрлыгы призына ат чабышлары узды. Биредә шулай ук Республика көненә багышланган авыл хуҗалыгы җитештерүчеләре продукциясеннән күргәзмә-ярминкә оештырылган иде.
Чарада Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов булды.
Атлар чабышын татар токымлы атлар башлап җибәрде. Алар 2 мең метр дистанциядә “Аргамак” призы өчен ярыштылар, приз фонды 150 мең сум тәшкил иткән иде, төрле районнардан татар токымыннан булган 12 чабышкы ярышты. Бу беренче чабышта җиңүче булып Теләче районыннан соло төсендәге ТР Барс айгырында Хирзәр Гиниятуллин танылды.
Өченче чабыш 1600 метр дистанциядә булды, приз фонды 350 мең сум иде, жокейлар арбаларда ярыштылар. Беренче булып Татарстан Республикасы буенча ЭЭМының «Динамо» командасыннан Стерлинг Динамо атында Равил Габдрашитов килде.
Алтынчы чабышта Татарстан Республикасы Президенты призына ярыштылар — бу бәйрәмнең төп ярышы иде, анда 9 катнашучы булды, аларның өчесе Чечня Республикасы башлыгы Рамзан Кадыйров конюшнясыннан иде. Иң озын дистанция - 2400 метр. Киеренке ярышта “Тимерхан” командасыннан Александр Иванский “Князь Юсупов” атында беренче булып килде. Бу «Тимерхан»ның 14 ел эчендә өченче җиңүе иде. Аннан күбрәк Кадыйров командасында гына, аныкы — 4.
Моңа кадәрге ярыш Шәех-Задә бин Солтан әл Найян призына чиста канлы гарәб чабышкылары арасында булды, приз фонды 25 мең евро иде. Бу чабышта беренче булып ЭЭМының «Динамо» командасыннан Василевс атында Мирзабәк Каппушев килде. Шул ук жокей алдагы чабышларда, башка атларда һәм бүтән командалар өчен дә чапты.
Мирзабәк Каппушев 7 чабышта икенче җиңүен яулады, ярыш 1800 метрлы дистанциядә Татарстан Республикасы Авыл хуҗалыгы һәм азык-төлек министрлыгы призына булды, монда Татарстан Республикасында туган чиста канлы 13 менге ат чапты. Приз фонды 350 мең сум иде. Бу очракта Мирзабәк Балтач районының “Татарстан” командасыннан Лондарка атында җиңүче булды.
Иң мавыктыргыч чабышларның тагын берсе - Халыклар дуслыгы призына сигезенче чабыш булды, приз фонды - 250 мең сум, 2400 метрлы дистанциядәге бу чабышта 9 катнашучыдан халыкара класслы спорт мастеры Геннадий Большаков Билли Флинн атында җиңүче булды. Тәҗрибәле жокей озак вакыт дүртенче-өченче позицияләрдә лидерлар төркемендә тыныч кына килде, ә ярты түгәрәк калгач, кинәт кенә алга ыргыла һәм бик горур кыяфәт белән финишка берүзе алдан килеп җитә.
Барысы 16 чабыш булды. Чабышлар арасындагы тәнәфес вакытларында концерт номерлары һәм призлар уйнату булды.
"Идел-Пресс" полиграфия нәшрият комплексында 8 сентябрьдә узачак алтынчы чакырылыш Татарстан Республикасы депутатларын сайлауларда тавыш бирү өчен сайлау бюллетеньнәрен бастырып бетерде.