Юбилейны каршылыйбыз

8 май көнне Җиңү паркында Бөек Җиңүнең 70 еллыгына багышлап митинг узачак. Шул ук көнне Чупай авылында обелиск ачыла.

9 май көнне, 8.30 сәгатьтә, сугыш һәм тыл ветеран­нары, хәрби хәрәкәтләрдә катнашучылар хәрби комис­сариат янына җыелалар. “Тере” коридор аша алар Ле­нин исемендәге паркка юнәлә. Район Мәдәният сарае, казанчылык, лесхоз, драма театры биналары, “Пяте­рочка” кибете, “Минзәлә” кафесы янәшәсендә музыка уйнаячак, әдәби-музыкаль композицияләр куелачак. Соңгыларына килгәндә, быел тагын өч өр-яңа компо­зиция куелачак (шул исәптән, маршал Жуков образы да гәүдәләндереләчәк).

9 май көнне, 9 сәгатьтә, стадионда ветераннар халык хоры, сәнгать мәктәбе, район Мәдәният са­рае солистлары катнашында концерт башланачак. 10 сәгатьтә Ленин исемендәге стадионда Җиңү парады башланачак.