Дым кадере яз арта

“Органик Групп-Минзәлә” идарәче компания игенчеләре беренче көннәрдә үк алган темпны киметми.

– Тиз арада дым капла­ту, бөртеклеләрне чәчү өчен бөтен мөмкинлекләр дә бар. Техника көздән үк әзерләнде. Механи­заторлар барысы да тәҗрибәле. Иң беренче булып үз агрегатын тыр­маларга МТЗ-1221 дә эшләүче Владимир Федо­ров алып чыкты, аның ар­тыннан ук МТЗ-1221 трак­торына СЗП-3,6 чәчкече тагып Анатолий Волосков арпа чәчәргә кереп китте. Чәчүчеләр Денис Тутулин һәм Альберт Мингали­ев сынатмыйлар. Әлеге агрегатка орлыкны ГАЗ-53 автомашинасында Илназ Билалов ташып тора, – ди хуҗалык җитәкчесе Ва­лерий Логинов.

“ Агроторг” чәчү ком­плексы белән Маккор­мик тракторында Аль­берт Козлов идарә итә. Альбертның агрегаты­на ашламаны Артур Миңнегәрәев, орлыкны Владимир Җирнов ташып тора.

Яхшы уңыш нигезе – сыйфатлы орлык һәм ашламалардан нәтиҗә-ле файдалану. Быел хуҗалыкта барысы 9 мең центнерга якын ор­лык салынган булган, бу планга карата 106 про­цент. Машинист Сергей Пакшин һәм Надежда Фәтхуллина орлыкларны “Алюр” препараты белән инкрустациялиләр .

“Мензелинские зори” агрофирмасы эшчәннәре җаваплы кампанияне җитди әзерлек белән кар­шы алдылар, – ди инве­стор, ТР Дәүләт Советы депутаты, Чаллы КХПсы генераль директоры Ал­маз Шәрипов (өстәге рәсемдә ул Рамил Хуҗин – сулда һәм Фаил Гыйззәтуллин белән).

Әйе, монда бөтен төр техника апрель башын­да ук әзерлек сызыгына куелган иде. Агрофир­ма район басуларының өчтән берен били. Агро­фирмага караган Кал­морза хуҗалыгында да язгы кыр эшләре уңышлы башланып китте. Мон­да, басуларда, дым каплату, җирләрне ашлау эше аеруча оешкан төстә

 бара. Хуҗалык җитәкчесе Илфак Гумеров Зин­нурны “хуҗалыкның иң тәҗрибәле механизато­ры”, дип таныштырды.

– Язгы кыр эшләрен нинди кәеф белән баш­лап җибәрдегез? – дип со­радым Зиннурдан.

– Кәеф көр, күңел күтәренке. Эшле булу – үзе зур бәхет ул, – дип җавап бирде ул.

– Җитәкчеләр, барысы да тырышып эшләгәнне күрә, тиешенчә бәялиләр. Әле менә узган ел гына да Ксерион 4500 тракторын миңа ышанып тапшырды­лар. Ә менә яңа техни­када эшләү – үзе бер зур куаныч. Зиннур “Хорш” чәчү комплексы белән көнгә 130-150 гектар җир чәчә. Икенче бер шофер Рамил Хуҗин янә сүзгә кушыла: “Эш шартларын­нан канәгатьбез: көненә

 өчәр мәртәбә тәмле итеп ашаталар, хезмәт хакын да бирәләр. Ашау яхшы булганда, кәеф көр бул­ганда, җитәкчеләр ка­дерне белеп торганда, тырышып хезмәт куярга кирәк”, – ди алар. Туклану дигәннән, аларга ашлар­ны төрләндереп Рәвилә Гәрәева пешерә. Басуда эшләүчеләр хаклы: көне елны туйдыра торган ва­кытта тырышып эшләргә дә кирәктер. Көннәр аяз торганда, чәчү эшләрен тагы бер атнада башка­рып чыгу мөмкинлеге бар, – ди хуҗалык җитәкчесе Илфак Гумеров.

“Полянка” КФХсында да чәчү тулы куәтенә бара. Эшне туктатып торган яңгырлардан соң, уҗымнарның күтәрелеп китүе игенченең күңелен тагы да дәртләндерде. “Полянка” КФХсы быел чәчүдә алдынгылар рәтендә атлый. Эшче-ләрдән моның серен сорагач, канәгатьлек белән: “Җитәкчебез әйбәт безнең!” – дип җавапладылар. Ә инде хуҗалыкның управляю­щие “эшчеләрдән уңдым, сынатмыйлар”, ди.

– Техникаларыбыз да, ягулыгыбыз да, ашлама­ларыбыз да бар, – ди ул. –Яз гына быел соңлабырак килде, әмма куркыныч түгел, җитешәбез, эшләр тәмамлануга бара.

Илшат Мөниров әйтүенчә, дым каплатуны оптималь срокларда тәмамлаганнар. 600 гек­тарда бөртеклеләрне чәчү тәмамланып килә. Чәчүчеләр: Олег Тапи­ков, Вәсил Гәрәев, Ана­толий Сибиров, МТЗ-1221 тракторында чәчү чәчүче Александр Вышенский, “КамАЗ” автомашинасын­да орлык ташучы Руслан Горбунов, Т-4 тракто­рында җирне тырма­лауда Илдар Хафизов, МТЗ-1221 тракторында культивациядә эшләүче Рәкыйп Сабирҗанов, МТЗ-80 тракторында чәчелгән җирләрне като­клауда Газинур Хамматов тырышып хезмәт куялар һәм ул аларны мактап телгә алып китте. Басу эшчәннәрен җылы аш белән тукландыру оеш­тырылган.

Дилфас ГАЛИЕВ