50 ел ремонт көткән

Районда мәгариф учреждениеләрендә ремонт эшләре тулы куәткә бара. Төзекләндерүче объектларның берсе – “Минзәлә коррекция интернат-мәктәбе”.

1964 елда төзелгән бу мәһабәт бина, өстән- өстән ясалганын исәпкә алмаганда, бер тапкыр да капиталь ремонт эшләре күрмәгән. Көн дә биредә “ИСК ПромЖилСервис” ҖЧҖнең 60шар эшчесе хезмәт куя. Бүгенге көндә бинаның эчендә дә, тыш­кы якта да ремонт эшләре башкарыла.

Капиталь ремонт эшлә- ренә 51 млн 200 мең сум бүлеп бирелгән, – дип сөйләде Минзәлә коррек­ция интернат-мәктәбе ди ректоры Камил Нәҗмиев.

Бинаның өченче катын­да төп төзекләндерү эшләре тәмамланган, стеналарга обои беркетү, идәнгә полимер лино­леум җәю генә калган. Душ бүлмәләрендә, ә алар биредә икәү, плит­ка салыначак, идәне җылытылачак. Бу кат­та 9 уен һәм 25 йокы бүлмәсе бар. Икенче катта стеналарны штука­турлау эшләре башкары­ла. Шунысын билгеләп үтәргә кирәк, штука­тур эшләре биредә яңа технологияләр белән башкарыла. Әлеге маши­на эчке һәм тышкы сте­наларны тигезләү өчен кулланыла. Кул эшләре белән чагыштырганда әлеге технологияләр бе лән башкарылган эшнең сыйфаты да югары,эш темпы да тизрәк бара,үзе бик уңайлы да, – дип сөйли бизәү эшләре буенча бри­гадир Адел Михайлов

Бу этажда 19 уку бүлмәсе бар, һәр кабинетның мәйданы якынча 40 квадрат метр. Ремонт эшләреннән соң адми­нистратив һәм хуҗалык бүлмәләре төп корпустан аерым торачак.

Беренча катта идәнгә бетон җәю өчен әзерлек эшләре бара. Шулай ук штукатур эшләре башланды. Әлеге ремонтның тагын бер өстенлеге – төзекләндерү эшләреннән соң энер­гия күпкә азрак сарыф ителергә тиеш.

Проект буенча фасадны җылыту материаллары каралган. Бинаны бөтен яктан да шушы махсус мамык белән тышлый­быз. Пластик тәрәзәләр урнаштыру, эчке яктан стеналарны эшкәртү, түбәне каплауда, шулай ук җылыткычлар кулла­набыз – болар барысы да энергияне азрак сарыф ителүгә юнәлдерелгән. Экономияләү якынча 60-70 % булачак, - диде “ИСК ПромЖилСервис” ҖЧҖнең баш инженеры Рамил Егоров.

Мәктәпнең өч катында да тәрәзәләр пластикка алыштырылган. Әлеге эшләрне “Лига” оешмасы башкарып чыккан. Инже­нерлык челтәрләре тулы­сынча яңартыла. Электр челтәрен “Электроком” компаниясе алыштырган.

Капиталь ремонт програм­масы буенча каралма­ган эшләрне башкарырга иганәчеләр ярдәм итә.

“Мәктәбеңә ярдәм ит” акциясе кысаларын­да безнең мәктәпкә иганәчеләр зур ярдәм күрсәтәләр. “Мәктәпләрне төзекләндерү” програм­масы буенча каралмаган эшләрне алар ярдәме белән башкарабыз. Энер­гетиклар, үзебезнең җирле депутатларыбыз, ул Алмаз Шәрипов, Ра­вил Миңнехуҗин, Илшат Фәрдиев ярдәме белән тышкы инженерлык челтәрләрен алышты­рырга, мәктәп террито­риясен төзекләндерергә, бүлмәләргә яңа мебель, сыйныфларга техника алырга планлаштыра­быз, – диде коррекция интернат-мәктәбе дирек­торы Камил Нәҗмиев.

Уен, йокы бүлмәләре, ашханә һәм актлар залы өчен махсус дизайн да ка­ралган.

Мәктәптәге ремонт эшләрен ТР Мәгариф һәм фән министры Энгель Фәттахов үзе кабул итәргә вәгъдә иткән.