Минзәләдә Бөек Җиңүнең 81 еллыгына багышланган яшьләр митингы узды
Бөек Җиңүнең 81 еллыгына багышланган Минзәләдәге яшьләр митингы Муса Җәлил исемендәге парк янында гомуми тезелүдән башланды. Монда Муса Җәлилнең Минзәләдәге мемориаль музее мөдире Энҗе Данилова шагыйрь-каһарманның тормыш юлы белән таныштырып, Минзәләнең аның тормыш юлында мөһим урын тотканын билгеләде. Ә элекке педагогия көллияте студенткасы, яшь шагыйрә Варвара Алышева Муса Җәлилнең «Моабит дәфтәрләре»ннән «Бәхетле вакыт» шигырен сөйләде.
М.Җәлил һәйкәленә чәчәкләр салганнан соң, митингта катнашучылар колоннасы Җиңү паркына юнәлде.
Митингны ачканда, Минзәлә районы башлыгы ярдәмчесе Марк Токарев, Бөек Җиңүнең бөтен Россия халыкларын берләштерүче иң мөһим бәйрәм икәнен һәм һәлак булганнарның һәм илебезнең бәйсезлеген саклаган каһарманнарның Бөек Ватан сугышы турында хатирәсен киләчәк буыннарга тапшыру мөкаддәс бурыч икәнен белдерде.
Үткәрүдә мактаулы кунак булып, Бөек Ватан сугыты ветераны Михаил Тихонов һәм СВОда катнашкан сугыш хәрәкәтләре ветераннары Радик Габдуллин, Ранис Нурисламов булды. 4 нче «Гномик» балалар бакчасы тәрбияләнүчеләре 9 май хөрмәтенә шигырьләр сөйләделәр һәм ветераннарга чәчәкләр тапшырдылар.
Чәчәкләр һәм веноклар куелганнан соң, сугыш ветераны Михаил Тихонов сүз алды. Ул яшьлек елларын искә алып, яшьләргә бүгенге көн байлыкларын сакларга, Ватанны сөяргә чакырды.