Моны белү мөһим

Керем елга 300 мең сумнан артмаса

Эшмәкәрнең керем күләме елына 300 мең сумнан ар­тмаса, ул мәҗбүри пенсиягә иминият өлешен билгеләнгән күләмдә түли. Ул исә үзмәшгуль халыкның бер минималь хезмәт хакын һәм Пенсия фондына иминият взносы тарифын 12 тапкырга арттыру рәвешендә билгеләнә. Агымдагы елда минималь хезмәт хакы 5554 сум дәрәҗәсендә билгеләнде, шул рәвешле мәҗбүри пен­сия иминиятенә взнос быел 17328,48 сум тәшкил итә.

Районда үзмәшгульлек белән шөгыльләнүче 629 граждан теркәлгән.

К р е с т ь я н - ф е р м е р л ы к хуҗалыклары башлыкла­ры өчен билгеләнгән сумма хуҗалыктагы халык санына тап­кырлана (үзен дә кертеп).

Ә мәҗбүри медицина иминиятенә иминият взнос­лары быел 3399,05 сум. Шул рәвешле, керемнәре 300 мең сумнан артмаган үзмәшгуль ха­лык өчен билгеләнгән иминият взносларының гомуми суммасы быел 20 727,53 сумга тигез.

Әгәр 300 мең сумнан артып китсә

Эшмәкәрнең керем күләме елы­на 300 мең сумнан артса, ул ими­ният взносларын билгеләнгән күләмдә – 17 328,48 сум тәшкил итеп, ул 300 мең сумнан артып киткән кеременнән 1% өстәп түләргә тиеш. Өстәвенә 8 тап­кыр минималь хезмәт хакы күләменнән чыгып мәҗбүри пен­сия иминиятенә иминият взнос­лары түләүче эшмәкәрләргә максималь күләм билгеләнгән. Быел бу күләм 138 627,84 сум тәшкил итә.

Агымдагы ел өчен мәҗбүри пенсия һәм мәҗбүри медици­на иминиятенә билгеләнгән күләмдә иминият взносла­рын 31 декабрьдә калмыйча түләү зарур. Бер тапкыр яисә ел дәвамында берничә бап­кыр бүлеп түләргә була. 300 мең сумнан артык керем алган эшмәкәрләр 2014 нче ел өчен взносларны ике этапта түли: ел дәвамында алар иминият взнос­ларын билгеләнгән күләмдә һәм 2015 нче елның 1 апреленнән соңармыйча 300 мең сумнан арткан керем суммасының 1 % ын түләргә тиеш.