Депутатың булса, шундый булсын
Иркәнәш авыл җирлегеннән Равил Миңңехуҗин район Советына депутат булып сайланган бу авыл җирлегенә гел булышып тору, өстенә төп игътибары юлларга иде дисәм дә ялгыш булмас.
Равил Лотфуллаевич үзенең дуслары аркылы Иркәнәш төбәген юллы итү буенча күп сөйләшүләр алып барды. Иркәнәш җирлеге авылларына асфальт юл салдыру буенча шактый эш эшләде. Ул аңа чаклы да шушы авыл җирлегендәге авыллар арасындагы 16 км юлны ремонтлаган иде, ягъни комлы таш җәелде. Аннан соң шулай ук авыл эчендәге урамнар тәртипкә китерелеп, комлы таш түшәлде, төзекләндерелде. Ул шушы юлларны үзе “КамАЗлар җибәрттереп бик күп эш башкарды һәм авыл юллары танымаслык булып үзгәрде. Шулай итеп ул ел саен диярлек авыл юлларын тәртипкә китерү буенча шхси акчасын да кызганмады. 2012-2013 елларда авыл юлларын асфальтлау программасы нигезендә Яңа Айман борылышыннан алып Мөшегегә чаклы асфальт юл салынды. Хәзер Иркәнәш җирлегендә яшәүчеләр асфальт юлдан җилдерәләр генә.
Менә быел асфальт юлга Яту һәм Тегермәнче авылларына керү юллары да тоташачак.
Авыл урамнарын асфальтлы итү юл салу өчен дә эш башланды. Минзәлә юл хуҗалыгы хезмәткәрләре бу эштә сынатмыйлар Юл мастеры Сергей Щеголев төзеләчәк юлны үлчәп таяклар куя, схемасын сыза, проектлый. Аннары салыначак юлның өслеген алып, тигезлиләр, катоклыйлар,ком һәм вак таш җәяләр, 20 тонналы катоклар белән тагы катоклыйлар. Бу эштә автогрейдерчы Васил Исмәгыйлов, бульдозерчы Хәлил Гайсин, катокта Әскать Нуриев һәм юл эшчесе Артур Николаев ал- ял белми хезмәт куялар.
– Юлларыбызны һәм авыл урамнарын асфальтлауга сөенеп бетә алмыйм, бу игелекле эшне башкару чыларга рәхмәт яусын, – ди авыл җирлеге башлыгы Рөстәм Шәрәфетдинов. Тегермәнче авылына керә торган 600 һәм авылның урам арасына 200 метр юл салынып бетте, тиздән аны асфальлыйсы гына калып бара.
Юл төзүчеләр шушы араларда Тегермәнчегә чак- лы юл салу эшенә тотыначаклар, әлеге ара 1800 метр тәшкил итә. Равил Лотфуллаевич ярдәме белән моннан алты ел элек Тегермәнче башлангыч мәктәбе, Иркәнәш гомум белем бирү мәктәбенең спорт залына капиталь ремонт ясалган иде. Аның ярдәме белән Кызыл Төбәк башлангыч мәктәбенә, Иркәнәш мәчетенә газ кертелде. Гомумән, авыл җирлегенә нәрсә кирәк Равил Лотфуллаевичка мөрәҗәгать итәләр. Иркәнәш авыл җирлеге халкы зур чыгымнар тотып авылны яшәткән өчен дә, депутатның игелекле эшләре өчен дә алар бик зур рәхмәтле.
сан
Иркәнәш авыл җирлеге биш авылны - Яңа Иркәнәш, Кызыл Төбәк, Тегермәнче, Яту һәм Иске Иркәнәш авылларын берләштерә. Җирлектә 248 шәхси хуҗалыгы булган 652 кеше яши.