НӘТИҖӘЛӘР АЧЫКЛАНДЫ

Әлеге сораштыруда катна- шучыларның 77,3 %ы – хатын- кызлар, калганнары – ир-атлар булган. Шуларның 45,3%ы – югары белемле, 78% ы – 30-55 яшьләрдә.

Сезнең карашка, корруп­ция төшенчәсен нәрсә ту­лырак бәяли? дигән сорау­га респондентларның 44% ы ришвәт бирү/алу дип җавап биргән. 32,6 – бюджет акчала­рын урлау, 28,6 – вазифаи урын­ны шәхси мәнфәгатьләрдә кул­лану, 8% - вазифаи бурычларны намуслы үтәмәү дип саный.

Вазифаи затларның үз бурычла­рын намуссыз үтәүләре белән очрашканыгыз булдымы? дигән сорауга (39,3%) күпләр юк, бер­кайчан да дип җавап биргән. Соңгы елда нинди структура­да эшләүче вазифаи затлар­га бүләк бирергә туры кил­де? Бу сорауга җавап бирүче респондентларның күбесе (15,3%) ЮХИДИ хезмәткәренә дип җавап биргән. Бүләк бирүгә кем этәргеч бирде? 25,3% ре­спондент шушы структура вәкилләре дип җавап биргән. Бүләк биргәннән соң тиеш­ле нәтиҗәгә ирешелгәнме? 18% – әйе, 12,6% өлешчә дип җаваплаган. Җирле үзидарә ор­ганнары коррупция проблемасы белән көрәшә дип уйлыйсызмы? Күпчелек (36,6%) омтылыш бар, эш күренми дип җавап биргән.

Минзәлә районында милләтара мөнәсәбәтләр проблемасы сезне борчыймы? дигән со­рауга респондентларның 91%ы – “юк” дип җавап биргән. Сезнең карашка кайсы мил­ли төркемнәр “конфликт­лы”? 38% – әрмәннәр, 30% – үзбәкләр, 28% – әзербайҗаннар дип саный. Мөлкәтегезгә, сәламәтлегегезгә, тормышы­гызга куркыныч янаганда кемгә мөрәҗәгать итәсез? Бу сорауга 48,6% эчке эшләр органына, дип җавап биргән. Нинди милләт вәкиле белән бергә эшләр иде­гез (бизнес, башка эш, күрше бу­ларак)? 65% – руслар белән дип җаваплаган. Туганыгыз башка милләт кешесе белән никахла­шуына ничек карыйсыз дигән сорауга 70% милләте мөһим түгел, бары тик яхшы кеше бул­сын, дип җавап биргән.

Сезнең фикерегезчә, милләтара конфликтлар, террор актла­ры булмасын өчен районда җитәрлек эш алып барыламы? 73,4 халык “әйе” дип җавап биргән. Әзерләнүче террор акт­лары турында компетентлы ор­ганнарга хәбәр итәргә әзерме сез? Респондентларның 91%ы уңай җавап биргән.

Сораштыруның бу өлешендә катнашучыларның 82%ы – ха­тын-кызлар, калганнары – ир- атлар.

Нәкыйп ИЛДАРХАНОВ,

район башлыгының коррупциягә каршы тору мәсьәләләре буенча ярдәмчесе