Таләпчәнлек көчәйтелә
Район башкарма комитетының административ комиссиясе төзекләндерү кагыйдәләренә контрольлек итүне көчәйтү буенча эшне активлаштырды. Мондый кагыйдәләрне үтәмәгән өчен ТР КоАПнең 3.6 маддәсе буенча адмштраф түләү каралган, гражданнар өчен ул 2 меңнән алып 3,5 мең сумга кадәр, вазифаи затларга 15 мең сумнан алып 30 мең сумга кадәр.
Шулай ук административ комиссия авыл хуҗалыгы терлекләре хуҗаларының хәтеренә төшерә: агымдагы елның 11 мартындагы 3-1 санлы шәһәр Советы карары белән расланган шәһәрне төзекләндерү кагыйдәләре нигезендә, авыл хуҗалыгы терлек- ләрен, кошларын аларның хуҗалары яки шуларның вәкаләтле затлары күзә- түе астында махсус бүлеп куелган урыннарда гына көтелергә тиеш. Мондый урыннар шәһәр башкарма комитеты тарафыннан билгеләнә.
Малларны шәһәр терри- ториясендә күзәтүчесез йөртү дә тыела. Мондый очракларда озатып баручысы булмаганда маллар һәм кош-кортлар тотып алына, алар хуҗалары шәһәр башкарма комитетына килгәч кенә биреп җибәрелә. Шәһәр урамнарында иясез маллар, кош- кортлар калдырганда, аларның хуҗалары яшел үсентеләргә китерелгән зыянны да, терлекләрен күпмедер вакыт тотуга киткән чыгымнарны да капларга тиеш булалар.