Минзәлә картлар йорты коллективы Аксубайга барып “Зәңгәр шәл”не уйнадылар

Илсөя Хәбибуллина җитәкчелегендәге картлар йорты коллективы хезмәткәрләре Аксубайдагы Федоров исемендәге картлар һәм инвалидлар йортына тәҗрибә уртаклашу өчен концерт программасы белән бардылар.

Аксубай интернат-йортында элек бездә тәрбияләнгән өлкәннәребезне дә очраттык. Алар безне җылы каршы алдылар.

“Бездә күп анасамбельләрнең, коллективларның чыгыш ясаганнары бар, ләкин К.Тинчуринның “Зәңгәр шәл”ен театр училищесын тәмамлаган артистлар кебек уйнадыгыз” - дип соклануларын белдерделәр интернат хезмәткәрләре һәм тәрбияләнүчеләре. Карап утыручылар куллары арыганчы алкышладылар.

Соңыннан хезмәттәшләр белән тәҗрибә уртаклашу булды.