Тигез җирдә абыналар

Районның контроль-хи­сап палатасы җитәкчесе Гүзәл Әхмәдуллина Минзәлә белем бирү уч-реждениеләренә кайткан җиһазларның сакланы­шы һәм кулланышының өлешчә тикшерелгәнен әйтте. “Архимед” фирма-сының тендер отып, сый­фатсыз противогазлар кайтаруы ачыкланган. Алар акт буенча кире кай­тарылган. Шул ук вакыт­та кайткан җиһазларның складта ятуы, мәктәпләргә җибәрелмәвен, курык­мыйча җавапсызлык дип бәяләргә була. Мәгариф бүлегендә хуҗалык эшчәнлеге белән шөгыльләнүчеләргә бик йомшак таләпләр куела  икән, дигән фикер кала бу тикшерүдән соң.

Комиссиядә муниципаль милекне дөрес файда­ланмау очраклары булу турында да сүз барды. Алар, нигездә, арен­да килешүләрен дөрес төземәүдә чагыла.

2013 елда районда кор­рупция белән бәйләнешле 9 җинаять ачыкланган. Алты ришвәт алу очра­гы булса, берсе – ришвәт бирү, берсе – вазифаи вәкаләтләрен арттыру, берсе – вазифаи алдашу.

Җинаятьләрнең күбесе ике кеше белән бәйле: район хастаханәсенең стоматология бүлеге мөдире – ике очрак; Роспотребнадзор идарә-сенең территориаль бүлеге начальнигы – 6 очрак.

Район хастаханәсендәге хәлләр чыннан да контрольдән чыкты бугай. Стационарга салу өчен дә табибларның акча сорау­лары ишетелә башлады. Шул ук вакытта түләүле хезмәтләрнең ни өчен алы­нуы хакында пациентларга мәгълүмат җиткерелми.

ЮХИДИ хезмәткәрләренә карата да бик күп претензияләр бар. Алар­ны киметү өчен ниләр эшләнүе хакында яңа на­чальник – полиция лей­тенанты Альберт Якупов сөйләде. Аның белән ае­рым әңгәмә басыла.

Коррупциягә каршы тору буенча комиссия секре­таре Нәкыйп Ильдарха­нов гозер белән килүче райондашларның кабат-кабат йөрүләрен киметү максатында муниципаль хезмәткәрләр белән юридик белемнәрен күтәрү буенча укулар үткәрү кирәклегенә ба­сым ясады. Муниципаль хезмәтләрнең сыйфаты турында сораштырган­да документларның озак ясалуына зарланучылар һаман кимеми, диде ул.

Икенче көнне авыл җирлекләре башлыкла­ры белән сөйләшкәндә, башка районнар мисалын­да, милек белән идарә иткәндә бик сак булырга чакырдылар. Чөнки үз ва­зыйфаларыннан явызлар­ча файдаланып, штраф түләүчеләр, төрмәгә уты­ручылар саны арта бара.