Яшь бала кебек тәрбияләгәч
Мәлкән авылы кызы Назыйма Мусинаның яшәеше, язмышы туган төбәге белән бәйле. Кечкенәдән үк әти- әнисенең ярдәмчесе булып үсә ул. Хезмәт юлын мәктәпне тәмамлауга ук элекке Ленин исемендәге колхозда төрле эшләрдә эшләүдән башлый. Хәзер соңгы биш ел эчендә яшь бозаулар карауга алынган, күңел җылысын биреп, ихластан башкара Назыйма ханым үз вазыйфаларын. Тырышлыгы, максатчанлыгы бу тармакта да яхшы күрсәткечләргә, хезмәтенең нәтиҗәлеле- генә ирешергә ярдәм итә. Үз күңеленә якын эш тапканга сөенеп, тормыштан тәм табып эшли. Назыйма ханым бүгенге көндә 65 баш бозауны яңа туганнан алып 20 көнгә чак- лы карый һәм аларның һәрберсеннән көнгә 750- 850 шәр грамм үсеш ала. Хезмәте өчен айга 15-16 мең сум акча ала ул. Аның өстенә әле бу гыйнвар аенда яхшы үсеш алганы өчен Назыйманы “Вамин Минзәлә” агрофирмасы җитәкчелеге бер мең сум күләмендә премия белән дә бүләкләде.