Кышның бавыры озын Азыгы мул булганнарга ул кыска тоела

Алар сөтне хуҗалыктан килосын 16 сумга сатып алалар. Бу күрсәткеч узган елның шул чоры белән чагыштырганда биш сумга күбрәк. Быел һәр сыердан савып алын­ган сөт узган елдагы белән чагыштырганда 95 килога күбрәк һәм ул тугыз айда хуҗалык бу­енча 2874 килограммнан артып киткән. Бүгенге көндә хуҗалыктагы 210 баш сыерның 170 башы савыла, савылган сөтнең майлылыгы – 3,9, аксы­мы 3,2 процент тәшкил итә. Мондый үсешкә ны­клы мал азыгы базасы булдыруга һәм ферма­да заман таләпләренә ярашлы реконструк­ция үткәрүгә игътибар­ны көчәйтү зур этәргеч биргән. Хуҗалыкның сөтчелек фермасында реконструкция эшләре 2011 елда ук башкарыл­ган: фермада сөтүткәргеч урнаштырылган, 2 тон­на сөт сыешлы суыткыч куелган. Терлек азыгы кертү дә механикалашты­рылган. Быел ел азагына чаклы төп көтүгә 40 баш тана кертеләчәк, алар са­вымчыларга өләшенгән инде, кайберләре бозау- лый да башлаганнар. Алдагы ел өчен тагы 45 баш тана әзер инде, аларны март аенда кап- лату планлаштырылган. Хуҗалык җитәкчесе Ил­фак Гумеров әйтүенчә, сөт җитештерүдә яңа технологияләргә күчү отышлы. Х әзер х уҗа- лыкта җитештерелгән сөт ел әйләнәсенә югары һәм беренче сорт белән оза­тыла. Нәтиҗәдә, хуҗалык кассасында керем арта. Ә иң мөһиме – ферма­да реконструкция үткәрү савучыларның, тер­лек караучыларның эш шартларын җиңеләйтү, хезмәткә түләүне арт­тыру мөмкинлеге бирә. Савучылар Людмила Шәмсиева, Марина Фе­дотова, Галина Кулько­ва, Гөлүсә Хөсәенова, Гөлгенә Ботова, На­дежда Галиуллина үзгә- решләрдән канәгать, «элеккеге кебек тездән пычрак ярып, икешәр чиләк күтәреп абзар буй­лап ташыйсы юк», диләр.

Хуҗалыкта терлек азы­гы базасын ныгытуга күп көч салынган, быел ул җитәрлек тупланган, ягъни бер баш шартлы терлеккә 36 центнер азык булсын өчен төз лапас ясалган. Мул продук­ция алу терлекчеләр өчен куанычлы, чөнки аларның хезмәт хакы ит, сөт җитештерү күләменә бәйле.

МТЗ-82 тракторында «Де­ЛаВаль» белән Нурлыба­ян Гайнетдинов азыкны торакларга кертеп тарата. Терлек караучылар Алек­сандр Мамаев, Әнвәр Шәмсиев, б озау к арау­чылар Дәнил Билалов, Әхмет Саетахмедов, тана караучылар Хәмәтнур Га­зетдинов, Виталий Федо­тов үзләре тәрбияләгән төркемнәрдәге маллар­дан югары артым алу өчен тырышалар.