Урыс мәктәбе «Ворошиловский стрелок " ярышларын кабул итте
Минзәлә районында «Ворошиловский стрелок»Бөтенроссия балалар-яшүсмерләр фестиваленең муниципаль этабы узды. Ярышлар Р.Закиров исемендәге урыс төп гомуми белем бирү мәктәбендә узды.
- Катнашучылар ату, граната ыргыту, иҗади номерлар күрсәтү дисциплиналарында ярыштылар. Команда нәтиҗәләренә килгәндә, 1 урынны Тауасты Байлар урта гомуми белем бирү мәктәбе, 2 урынны Аю урта гомуми белем бирү мәктәбе, 3 урынны 1 нче урта гомуми белем бирү мәктәбе алды. Дисциплиналарга килгәндә, кызлар арасында да, егетләр арасында да атуда 1 урынны Тауаслы Байлар командасы алды. Гранат ыргытуда малайлар арасында 1 урын Татар Мөшегесе урта гомуми белем бирү мәктәбе, кызлар арасында 1 нче урта гомуми белем бирү мәктәбе. Иҗади конкурста 1 урынны Аю төп гомуми белем бирү мәктәбе алды, - дип хәбәр итте Балалар иҗат йорты директорының өстәмә белем бирү буенча урынбасары Ренат Талипов.
— Без үсеп килүче буынны патриотик тәрбияләүгә юнәлдерелгән бу ярышларның нәкъ менә безнең җирлек мәктәбендә узуына бик шатбыз, - дип билгеләп үтте Урыс авыл җирлеге башлыгы Илмира Аксюкова.
Минзәлә шәһәренең балалар иҗаты йорты архивыннан фотосурәтләр.
