2 нче урта гомуми белем бирү мәктәбе укучылары Ярослав Соколовский һәм Энвер Абсетаров математика буенча олимпиада призерлары
Минзәләнең 2нче урта мәктәбе укучылары Ярослав Соколовский (11нче сыйныф) һәм Энвер Абсетаров (8нче сыйныф) (укытучысы Разина Хәниф кызы Мясникова) Татарстан Республикасы гомуми белем бирү оешмаларының 7-11нче сыйныф укучылары өчен математика буенча «Олимпка юл» республика олимпиадасының йомгаклау этабы призерлары булдылар.
Разина Мясникова, 2 нче урта гомуми белем бирү мәктәбенең математика укытучысы:
- Мин укучыларыбызның нәтиҗәләреннән бик канәгать. Әйтергә кирәк, Ярослав һәм Энвер икесе дә уку отличнигы. Беренчесе-спортчы, икенчесе — шахматчы. Мин аларга уку материаллары сайладым, ә алар үзләре өйдә каникулларда шөгыльләнделәр. Әлбәттә. барысын да алу мөмкин түгел, әмма ике укучы да Олимпиададан канәгать булып чыктылар һәм барлык биремнәрне үтәдек диделәр. Безнең мәктәп алар белән горурлана, алар талантлы, актив, максатчан егетләр. Аларга алга таба да уңышлар һәм җиңүләр телим.
Исегезгә төшерәбез, гимназия укучысы Камилә Фәррахова (Аю мәктәбеннән килгән) ике республика олимпиадасында (Татарстан тарихы һәм химия буенча)призлы урыннар яулады