Минзәлә районында никахлашу турында актның беренче язмасы теркәлгән

Россия Федерациясе Президенты Владимир Путин Указы белән 2024 ел безнең илдә Гаилә елы дип игълан ителде. Район ГХАТ бүлегендә бүген никахлашу турында актның беренче язмасы төзелгән.

Туганнары һәм якыннары арасында Бәхетле гаилә тормышы башлану белән бүген Николай һәм Жанна парлары котлауларын кабул итәләр. Яңа өйләнешкәннәргә нык мәхәббәт, рухи гармония, үзара аңлашу телибез.

Бу көнне тагын ике пар үз мөнәсәбәтләрен законлаштыра.