Район башлыгы Айдар Сәлаховның Россия Федерациясе Конституциясе көне белән котлавы
Кадерле минзәләлеләр, безнең район кунаклары! Россия Федерациясе Конституциясе көне белән чын күңелдән котлаулар кабул итегез!
1993 елның 12 декабрендә дәүләтнең принципиаль яңа төп законы кабул ителә, һәм менә инде егерме биш елдан артык Россия календаре буенча бу аерым дата.
Бәйрәм илебез яшәгән Төп Законның тантанасын һәм көчен гәүдәләндерә. Халыкның ихтыярын һәм мәнфәгатьләрен белдереп, Конституция дәүләтчелекне, иҗтимагый төзелешнең тотрыклылыгын ныгытуга, гражданлык җәмгыятен булдыруга, кеше хокукларын һәм ирекләрен тәэмин итүгә хезмәт итә; Россиянең гасырлар дәвамында тупланган барлык тәҗрибәсен һәм казанышларын чагылдыра, алга таба үсеш стратегиясен билгели.
Дәүләт иминлеге, хокук тәртибе һәм андагы татулык безнең һәрберебезгә бәйле. Бары тик хокукларга һәм бурычларга җаваплы мөнәсәбәт кенә гамәлдәге тормыш кагыйдәләрен, традицияләрен саклап калуны тәэмин итәчәк, бу илнең куәтен һәм бөеклеген, туган якның чәчәк атуын арттырырга мөмкинлек бирәчәк.
Сезгә чын күңелдән тынычлык, игелек, бәхет һәм сәламәтлек, иминлек һәм муллык телим! Бөек Россия үсеше өчен игелекле эшләрдә бәхет һәм уңышлар!
Айдар Сәлахов,
Минзәлә муниципаль районы башлыгы