Куполлы акробатика
Куполлы акробатика – парашют спортының иң искит кеч төренең берсе. Һава операторының эш нәтиҗәсе буенча судьялар бригадасы спортчыларның чыгышына бәя бирәләр. 2 500 метр биеклектән парашютчылар оча торган аппараттан аерылалар һәм берничә минут эчендә, җирәбә буенча эләкән күнегүләр комплексын үтиләр, очып төшкәндә төрле фигуралар ясыйлар. Спортчылар җиргә төшү белән чыгышлар яздырылган видеомәгълүматны судьялар карыйлар һәм башкарылган фигураларны исәплиләр. Чемпионатта Россиянең төрле почмакларыннан килгән 200гә якын спортчы катнашты. Мондый дәрәҗәдәге авиация спорт төрләре буенча үткәрелгән чемпионатларны Минзәлә беренче тапкыр кабул итми. “Монда Россиянең иң көчле 12 командасы көч сынаша. Елдан-елга Чемпионатның масштабы киңәя бара”, – диде ярышларның баш судьясы Олег Павлюк.