Минзәлә халкы традицион өмәдә актив катнашты
Иске рус зиратында өмәләр дәвам итәчәк
Өмә иске рус зиратында узды. Өмәдә барлыгы 30га якын битараф булмаган Минзәлә халкы катнашты: алар-ТОС җитәкчеләре, Казан-Богородица чиркәве мәхәлләләре, «Чиста шәһәр» МУП һәм «Минзәлә урманчылыгы»ДБУ хезмәткәрләре.
Иртәнге сәгать 8дән монда эш кайнап тора иде инде. Ир-атлар каберләргә төшкән, шулай ук зират эченә керү өчен киртә тудырган иске агачларны кисеп, периметр буенча үлән чабалар.
Хатын-кызлар бергәләп контейнер янына агач ботакларын, яшь куакларны алып киләләр.
Чүп-чар тутырылган саен контейнер махсус техника ярдәмендә шунда ук чыгарыла.
Роза Салдаева, шәһәр башлыгы урынбасары:
- Әлбәттә, мондый зур территорияне ике-өч тапкыр чистарту мөмкин түгел. Әгәр дә без үзебез тәртип сакламасак һәм зиратта чисталык урнаштырмасак, моны безнең өчен кем эшләячәк? Бүген өмәдә актив катнашкан һәркемгә зур рәхмәт. Берләшеп, без зур эш башкардык.
Иске рус зиратында өмәләр дәвам итәчәк. Барлык минзәләлеләргә дә бу игелекле эшкә кушылуларын үтенеп сорыйбыз.
http://menzela.ru/news/tema-dnya/menzelincy-priniali-aktivnoe-ucastie-v-tradicionnom-subbotnike
