Хокук бозуларны профилактикалау буенча комиссиянең утырышы
Агымдагы елның 13 маенда Минзәлә муниципаль районы Башкарма комитеты җитәкчесе Марат Кәримов рәислегендә хокук бозуларны профилактикалау буенча комиссиянең утырышы булды. Махсус хәрби операциядә катнашучыларның һәм аларның гаилә әгъзаларының хокук һәм законлы мәнфәгатьләрен тәэмин итү мәсьәләләре, шулай ук аларга ярдәм күрсәтүче һәм ярдәм итүче затларга карата хокук бозуларны булдырмау чаралары тикшерелде. Доклад белән Ватан сакчылары фондының социаль координаторы Татьяна Сәмигулина чыгыш ясады. Алга таба «Опека һәм попечительлеккә алу турында» федераль законны тормышка ашыру кысаларында яшүсмерләрнең хокук һәм законлы мәнфәгатьләрен тәэмин итү белән бәйле мәсьәлә, шулай ук балаларга карата яшүсмерләр тарафыннан кылына торган җинаятьләрне, золымны һәм каты мөгамәләне булдырмау буенча профилактик эшләү мәсьәләсе күтәрелде. Доклад белән Минзәлә муниципаль районы Башкарма комитетының опека һәм попечительлек бүлеге башлыгы Эльвира Умарова чыгыш ясады.