Минзәләдә РФ Дәүләт флагы көне уңаеннан велопробег узды
Велосипедта йөгерүдә 100 дән артык Минзәлә кешесе катнашты.
22 август-Россия Федерациясе Дәүләт флагы көне. Шуңа бәйле рәвештә Минзәлә буенча велосипедта йөгерү узды.
Бу кызыклы һәм, иң элек, файдалы чарада теләгән һәркем катнаша алган. Велосипедта узышуга коллегалары һәм гаилә әгъзалары белән килгәннәр дә бар иде. Мәсәлән, тикшерү изоляторы коллективы тулы бер команда белән килде. Храмутичевлар, Ситдиковлар гаиләләре дә тулы составта стартка чыкты. Катнашучылар арасында яшь чикләүләре юк иде.
Старт Ленин исемендәге стадионда бирелгән. Юлга чыгар алдыннан район яшьләр эшләре һәм спорт бүлеге начальнигы Фаяз Хизбуллин маршрут белән таныштырды, Ә Минзәлә районының «Юл хәрәкәте иминлеге» дәүләт бюджет учреждениесенең профилактика бүлеге начальнигы Наталья Железкова 2 нче урта гомуми белем бирү мәктәбенең яшь инспекторлары белән берлектә велосипедта йөрү тәртибе белән буклетлар таратты.
Район мәдәният сарае янында тукталып, велосипедчылар мәдәният хезмәткәрләре һәм «Чишмә»бию коллективы кызлары белән флешмоб оештырдылар.
Велосипедчылар өчен Финиш «Ялкын»яшьләр үзәгендә узды. Үзәк хезмәткәрләре Россия Федерациясе флагы һәм музыкасы белән велосипедчыларны каршы алдылар. Монда велосипедта узышта иң яшь һәм иң өлкән катнашучы билгеләнде.
Өлкәннәр белән бергә тимер ат белән 4 километрга якын араны үткән иң яшь катнашучы 5 яшьлек Наил Нуриев була, ә иң өлкән һәм тәҗрибәле велосипедчы итеп Нина Жаркова таныла.
«Әти, әни һәм мин — спорт гаиләсе» номинациясендә грамотага Храмутичевлар гаиләсе лаек булды.
Велосипедта йөрү бердәм һәм күңелле флешмоб белән тәмамланды.
Барысы да өйләренә таралыштылар, йөгерүдән яхшы кәеф алдылар.