15 августка урак өсте көндәлеге
Район комбайнчылары арасында «Минзәлә таңнары» агрофирмасының «Кадряково» җитештерү комплексының алдынгы комбайнчысы Илһам Гыйниятуллин (фотода) быелгы урак өсте вакытында да уңышсызлыкка дучар итми. Илһам «Торум 750» комбайнында 1676 тонна ашлык суктырган һәм икенче урында тора.
Минзәлә районы игенчеләре урып-җыюда 75 мең тоннадан артык ашлык суктырган.
Районда иң югары уңыш буенча «Калмурзино» хуҗалыгы игенчеләре алда бара, алар һәр гектардан уртача 30 центнер 4580 гектар ашлык культуралары җыйган. Бу хуҗалыкның комбайнчылары бөртеклеләрнең 98 процентын суктырган, һәм якын көннәрдә бөртеклеләрнең урып-җыю эшләре тәмамланачак. Кичә «Заиковский»хуҗалыгы да бөртеклеләрне суктырып бетерде.
Район буенча уртача уңыш гектардан 24,4 центнер тәшкил итә. Язгы бодайның 38,9 проценты, арпаның 80,1 проценты, борчакның 79 проценты җыелган. Кичә безнең район басуларында 58 комбайн эшләде һәм 4840 тонна ашлык суктырды. 2024 ел уңышы өчен туфрак эшкәртү дәвам итә, бу эш 6824 гектарда башкарылган.
Туфрак эшкәртүдә 12 агрегат эшли. Көзге чәчү өчен 10 мең гектардан артык җир әзерләнгән.
Безнең белешмә
Тулаем республика буенча 829 200 гектарда суктырылган. Амбарларга 2 миллион 259 мең тоннадан артык ашлык кертелгән. Республикада һәр гектардан уртача 27,2 центнер ашлык җыялар.
http://menzela.ru/news/tema-dnya/dnevnik-zatvy-na-15-avgusta