Минзәлә районында урып җыю эшләре 38 процентка тәмамланган
Амбарларга барлыгы 43573 тонна ашлык кертелгән.
Район авыл хуҗалыгы һәм азык-төлек идарәсенең оператив мәгълүматлары буенча, барлыгы 16121 гектарда суктырылган. Алардан 11623 гектарда көзге бодай, 2815 гектарда арпа, 483 гектарда борчак, 100 гектарда сабан җыелган. Әлегә көзге бодайның уртача уңышы 27,7 ц/га, арпаның — 28 ц/га,сабанның — 18,3 ц/га.район буенча уртача уңыш гектарыннан 27 центнер тәшкил итә.
Районда иң югары уңыш буенча «Минзәлә таңнары» агрофирмасының «Кадряково» җитештерү комплексы алда бара, анда урып-җыюга алынган 3729 гектар көзге бодайның уртача уңышы гектарыннан 31 центнер тәшкил итә.
«Август-Мөслим» ҖЧҖнең «Минзәлә» ОСП игенчеләре ашлык җыюны 76 процентка тәмамлаган. Район буенча көзге бодайның 78,3 проценты, арпаның 24,7 проценты, борчакның 25,7 проценты җыелган.
Кичә безнең район басуларында 64 комбайн эшләде, алар 4271 тонна ашлык суктырды.
2889 гектарда 2024 ел уңышы өчен туфрак әзерләү дәвам итә. Туфрак эшкәртүдә 7 агрегат эшли. Көзге чәчү өчен 10 мең гектардан артык җир әзерләнгән.
Безнең белешмә. Тулаем республика буенча 371100 гектарда суктырылган. Амбарларга миллион тоннадан артык ашлык кертелгән. Республикада һәр гектардан уртача 28,4 центнер җыялар.