Ашыгыч медицина ярдәме бүлеге Минзәлә балигъ булмаган социаль хезмәт алучылар өчен ишекләр ачты.
21 июльдә «үзгәрешләр елы» җәйге ял мәйданчыгы кысаларында Минзәлә районы халыкка социаль хезмәт күрсәтү комплекслы үзәге белгечләре тарафыннан балигъ булмаганнар өчен кичектергесез медицина ярдәме бүлегенә экскурсия оештырылды.
Экскурсия диспетчер бүлмәсеннән башланды. Ашыгыч ярдәмнең өлкән фельдшеры Минһаҗева Ландыш балаларга биредә яшәүчеләрдән шалтыратулар кабул итүләре һәм ашыгыч ярдәм бригадаларына юллама бирүләре турында сөйләде. Табиблар һәм фельдшерларның ничек эшләве турында сөйләде, хәтта балаларга үзләрен медицина белгечләре ролендә сынап карарга мөмкинлек бирде.
Балаларда иң зур кызыксынуны ашыгыч ярдәм машинасы уятты. Балалар аның эчендә булдылар һәм кеше гомерләрен саклап калу өчен заманча җиһазларны карадылар.
Чарада 9 балигъ булмаган социаль хезмәт алучы катнашты.
