Дәүләт Думасында контроль-күзәтчелек эшчәнлеге мәсьәләләре буенча "хөкүмәт сәгате" узды
Дәүләт Думасында хөкүмәт рәисе урынбасары – РФ Хөкүмәте Аппараты җитәкчесе Дмитрий Григоренко катнашында «РФда контроль-күзәтчелек эшчәнлеген камилләштерү буенча чаралар турында» темасына «хөкүмәт сәгате»узды.
РФ Дәүләт Думасы депутаты, Кече һәм урта эшкуарлык комитеты рәисенең беренче урынбасары Әлфия Когогина: «нәкъ менә «Бердәм Россия» инициативасы буенча бизнесны планлы тикшерүгә мораторий игълан ителде. Бу норма, эшмәкәрләр үтенече буенча, партиянең Халык программасына кертелә. Хөкүмәт төбәкләр һәм Дәүләт Думасы белән бергә зур эш башкарды, федераль, региональ һәм муниципаль дәрәҗәдәге 340 мең кагыйдә анализланды, 130дан артык федераль законга үзгәрешләр кертелде. Контроль-күзәтчелек эшчәнлеген тәртипкә китерү бизнеска йөзләрчә миллиард сум акчаны экономияләде.
«Эшмәкәрлек» федераль партпроекты координаторы КХД реформасының максаты гражданнарның сыйфатлы, куркынычсыз, уңайлы товарлар һәм хезмәтләр алуы дип билгеләп үтте. "Нәкъ менә эшмәкәрләр бу товарларны һәм хезмәтләрне җитештерү һәм базарга чыгару белән шөгыльләнәләр. Димәк, контроль – күзәтчелек эшчәнлегендә сыйфатлы товарлар җитештерүгә ярдәм итәчәк һәм бизнес чыгымнарын арттырмаячак сәясәтне формалаштыру бурычы тора.
"Киләсе этап-тулысынча риск-юнәлешле алымга күчү, анда күзәтчелек машинасының бөтен көче эшкуар өчен конкрет навигатор булып хезмәт итәчәк, аңа сыйфатлы продукт җитештерүдә һәм югары өстәмә кыйммәт белән нәтиҗәле производстволар булдыруда ярдәм итәчәк», диде Когогина.