Иң яхшы татар теле һәм әдәбияты укытучысы сайланды
54нче гимназия базасында «Иң яхшы татар теле һәм әдәбияты укытучысы " Бөтенроссия һөнәри конкурсының зона этабы узды. Биредә Әгерҗе, Тукай, Менделеевск, Минзәлә районнары һәм Яр Чаллы шәһәренең муниципаль этапларында җиңгән укытучылар ярышты.
Аның составына Татарстан Республикасы Мәгариф һәм фән министрлыгының милли мәгариф идарәсе башлыгы Илгиз Халиков, Татарстан Республикасы Мәгарифне үстерү институтының татар теле һәм әдәбияты кафедрасы доценты Рәсимә Шәмсетдинова, Казан шәһәре мәгариф идарәсенең милли мәгариф буенча баш белгече Рәйхана Богавиева кергән жюри конкурсантлары эшчәнлеген бәяләделәр.
Конкурс иҗади эшләүче татар теле һәм әдәбияты укытучыларын ачыклау, аларга ярдәм итү һәм аларның нәтиҗәле тәҗрибәләрен тарату максатыннан үткәрелә. Зона этабының конкурс сынаулары буенча максималь балл җыйган конкурсантлар йомгаклау этабында катнашачаклар, ул 2023 елның 20-24 мартында узачак.
https://mon.tatarstan.ru/index.htm/news/2164558.htm