Минзәлә районында клиентлар хезмәте җитәкчесе (бүлек хокукларында) Алсу Ганиева җавап бирә.
- Өлкән яшьтәге кешеләр һәм инвалидлар өчен компенсация түләүләрен билгеләү өчен нинди документлар тапшырырга кирәк?
2021 елдан башлап өлкән яшьтәге кешеләр һәм инвалидлар өчен компенсация түләү билгеләү өчен кирәкле документлар исемлеге үзгәрде. Хәзер түләүне рәсмиләштерү гражданнар өчен җиңелрәк һәм уңайлырак булды.
Эшкә сәләтсез гражданинның карау өчен ризалыгы турында гаризасы карауны гамәлгә ашыручы зат тарафыннан тапшырылырга мөмкин.
18 яшькә кадәрге инвалид баланы караучы ата-аналарга (уллыкка алучыга), опекуннарга (попечительгә) карата 18 яше тулмаган инвалид баланың законлы вәкиле гаризасы кирәк түгел.
Гражданнарга эш, эшсезлек буенча пенсия яки пособие алу фактын раслаучы белешмә һәм мәгариф учреждениесеннән белешмә бирү таләп ителми. Пенсия фонды барлык кирәкле мәгълүматларны ведомствоара электрон хезмәттәшлек системасы аша ала.
Соратып алына торган документлар исемлегеннән шулай ук бер әти-әнинең һәм опека һәм попечительлек органының рөхсәте дә төшереп калдырылды, 14 яше тулган бала караса, укудан буш вакытта ата-ананың (уллыкка алучыларның, попечительнең) ризалыгы алынуын күздә тотып. Әмма, әгәр ПФРга 15 яше тулмаган зат тарафыннан мондый карауны гамәлгә ашыру өчен ата-ананың берсе яки опека һәм попечительлек органының килешмәү турындагы документ килсә, компенсация түләвен гамәлгә ашыру туктатылачак.
Исегезгә төшерәбез, түләү гариза характерына ия һәм I төркем инвалидларны, даими рәвештә чит кеше каравына мохтаҗ йә 80 яшькә җиткән өлкәннәрне, 18 яшькә кадәрге инвалид балаларны яки I төркем инвалид балаларын карауны гамәлгә ашыручы эшкә яраклы булмаган затларга билгеләнгән.