Әлфия Когогина: Дәүләт эшкуарлык инициативасына ярдәм итү чаралары спектрын киңәйтә
Дәүләт Думасы депутаты, Кече һәм урта эшкуарлык комитеты рәисенең беренче урынбасары Әлфия Когогина болай дип шәрехләде: "Хөкүмәт тарафыннан эшкуарлык инициативасына ярдәм итүнең яңа чаралары анонсланган. Беренчедән, бизнеска инфраструктур кредитлар һәм облигация займнары буенча дәүләт гарантияләре биреләчәк. Масштаблы проектларны гамәлгә ашыру өчен шактый инвестицияләр кирәк, ә үз-үзен аклау вакыты бик озак булырга мөмкин. Әлеге чара заемчыларның һәм кредиторларның хәвеф-хәтәрләрен киметергә, социаль әһәмиятле проектларга кертемнәрнең җәлеп итүчәнлеген арттырырга тиеш".
Инфраструктураны үстерү максатларында Россия юридик затлары тарафыннан җәлеп ителә торган кредитлар яисә облигация займнары буенча Россия Федерациясе дәүләт гарантияләрен бирү кагыйдәләрен раслаучы карар Хөкүмәт сайтында урнаштырылган.
Дәүләт гарантиясе кредит буенча төп бурычны 3 елдан 30 елга кадәр түләп бетерү буенча йөкләмәләрнең 50 процентына кадәр тәэмин итәчәк. Дәүләт гарантиясенең минималь суммасы 2 млрд сум тәшкил итәчәк. Компаниянең үз акчаларының проект бәясендә өлеше кимендә 20 процент булырга тиеш.
«Дәүләт ярдәменең киләсе чарасы кече һәм урта предприятиеләр өчен заем ресурслары бәясен киметүгә юнәлдерелгән һәм үз эченә ике инструментны берләштерә:КУЭ буенча илкүләм проект кысаларында процент ставкасын субсидияләү һәм кредит бирүне стимуллаштыру программасы буенча ташламалы фондлау. Кече һәм микробизнес инвестиция максатларына – 4,5 процент, уртача еллык 3 процент белән 5 елга кадәр кредит ала алачак.
Предприятиеләр җиһазлар сатып алу, җитештерү мәйданнарын капиталь ремонтлау, яңа производстволарны 10 елга кадәр эшләтеп җибәрү өчен инвестицион кредит ала алачак, программаның гомуми күләме-2022 ел азагына кадәр 50 млрд. сум. Чараны гамәлгә ашыру өчен өстенлекле тармаклар булып эшкәртү, авыл хуҗалыгы продукциясен эшкәртү, логистика, кунакханә бизнесы билгеләнгән.