Татарстан Росреестрында эшмәкәрләр белән ачык әңгәмә үткәрелде
Татарстан Республикасы буенча Росреестр идарәсе мәйданчыгында кече һәм урта эшкуарлык субъектлары вәкилләре өчен адреслы очрашу булды, аны үткәрү вакытында Татарстан Республикасында инвестицион климатның торышын яхшырту турында фикер алыштылар.
Очрашуга шулай ук күчемсез милекне кадастр исәбенә кую һәм хокукларны теркәү өчен документлар рәсмиләштергәндә эшкуарлык бергәлеге белән турыдан-туры эш итүче төрле структуралар һәм ведомстволар вәкилләре чакырылды.
Чараны ачып, ТР икътисад министры урынбасары Динар Шакиров очрашуның төп максатын билгеләде: «Без Татарстан Республикасында бизнес алып бару өчен иң яхшы шартлар тудырылуын телибез. Бүген без эшмәкәрләр һәм муниципалитетлар белән милекне теркәүнең һәм күчемсез милекне кадастр исәбенә куюның уртача вакыты турында фикер алышырга телибез. Без нәкъ менә хезмәтләр алучылардан - кече һәм урта бизнес вәкилләреннән тәкъдимнәрне ишетергә әзер, алар безгә төбәктә инвестклиматны яхшырту буенча уртак карарлар эшләргә ярдәм итәчәк».
Үз чиратында Росреестрның Татарстан Республикасы буенча идарәсе җитәкчесе урынбасары вазыйфаларын башкаручы Алмаз Арсланов сәламләү сүзендә шулай ук эшкуарлардан фикерләрнең һәм кире элемтәләрнең мөһимлеген ассызыклады:
«Безнең ведомство кече һәм урта эшмәкәрлек белән эшләүгә аерым игътибар бирә. Моның өчен бу юнәлештә эшләүче махсус бүлек тә булдырылды. МСП вәкилләре өчен бездә локаль акт гамәлдә, аның буенча мөрәҗәгатьләрне карау сроклары кыскартылган. Һәм безнең, безнең фикеребезчә, вәзгыятьне яхшыртырга мөмкин булган башка тәкъдимнәребез дә бар. Милли рейтинг буенча эш - барысы өчен дә уртак. Алга таба нәтиҗәле идарәчел карарлар кабул итү өчен аны процессның барлык катнашучылары белән берлектә алып барырга кирәк! »
Татарстан Росреестрында МСП өчен эшләнгән һәртөрле чаралар (милек хокукын дәүләт теркәвенә алу срокларын кыскарту, бу хакта смс-мәгълүмат җиткерү, күрсәтелгән хезмәтләрне бәяләү өчен каналда чат-ботта сораштыру уздыру һ.б.) җитәрлек булмады, дип билгеләп үттеләр.
Инвестицион проектлар буенча күчемсез милекне дәүләт теркәве бүлеге башлыгы Александр Абдуллин аңлатканча, процедураны озакка сузу процессы күчемсез милекне кадастр исәбенә кую өчен кирәкле документларны теркәү алдыннан әзерләү вакытында бара.
Күчемсез милекне теркәү буенча кыскартылган срокларны саклап калу өчен, Татарстан Росреестры тарафыннан кадастр исәбенә документлар кабул итүнең аерым тәрәзәләрен ачу һәм КФҮдә хокукларны теркәү мөмкинлеген карарга тәкъдим ителде. Анда белгечләр документларны кабул итү һәм бирү вакытында аларны хокукны теркәүне уздыруның кыскартылган срогы турында, шулай ук хокукны теркәү процедурасын тәмамлау турында смс-хәбәрләр керү турында мәгълүмат бирәчәк.
Татарстан Росреестрында төбәктә инвестицион климатны яхшыртуда барлык кызыксынучы затларны җәлеп итеп, мондый форматтагы чараларны даими нигездә уздыру планлаштырыла.